Ein Gwobrau Tîm Heddlu De Cymru 2026
Cynnwys y prif erthygl
Dewrder, uniondeb a thosturi, arloesi, penderfyniad a gwydnwch – gwnaeth ein Gwobrau Tîm Heddlu De Cymru 2026 arddangos gweithredoedd a gwaith rhagorol gan swyddogion, staff, gwirfoddolwyr ac asiantaethau partner.
Gwnaeth ein gwesteion, a oedd yn cynnwys teulu a ffrindiau'r rheini a enwebwyd, glywed straeon llawn ysbrydoliaeth am y rheini sydd wedi rhagori yn eu meysydd, neu sydd wedi mynd y tu hwnt i'r disgwyl ar ran y cymunedau rydym yn eu gwasanaethu.
Ein noddwyr
Rydym mor ffodus o gael cefnogaeth gan noddwyr ein Gwobrau Tîm Heddlu De Cymru 2026, sy’n ddigon hael i ddangos eu bod yn gwerthfawrogi’r gwaith rydym yn ei wneud, a’r cymunedau rydym yn eu gwasanaethu.
Cyfreithwyr Dolmans
Mae Cyfreithwyr Dolmans yn cynnal eu gwaith arbenigol ag awdurdodau lleol, cyrff cyhoeddus ac yswirwyr blaenllaw o’u lleoliad yng Nghaerdydd ac mae ganddynt enw da yn y byd busnes am eu gweledigaeth fasnachol a’u dull pragmataidd o ddarparu gwasanaethau cyfreithiol.
Niche
Mae meddalwedd NicheRMS yn galluogi asiantaethau byd-eang sy’n gorfodi’r gyfraith i nodi, atal a datrys troseddau. Mae gan eu staff 400+ mlynedd o brofiad plismona.
Chwaraeon Heddlu De Cymru
Mae Chwaraeon Heddlu De Cymru yn chwarae rôl allweddol yn cefnogi strategaeth llesiant Heddlu De Cymru drwy annog swyddogion, aelodau o staff a gwirfoddolwyr i gymryd rhan mewn gweithgareddau chwaraeon a chymdeithasol sy'n hyrwyddo llesiant corfforol a meddyliol. Mae gan Chwaraeon Heddlu De Cymru bron i 30 o adrannau chwaraeon a chymdeithasol gweithredol, gan rhoi cyfle i gydweithwyr ddod ynghyd, ymlacio a meithrin cyfeillgarwch ym mhob rhan o'r heddlu. Drwy ostyngiadau arbennig ar docynnau theatr, cynhyrchion a theithiau diwrnod, yn ogystal â Loteri poblogaidd Chwaraeon Heddlu De Cymru sy'n cynnig gwobrau wythnosol, mae'r sefydliad yn helpu i feithrin ymdeimlad cryf o gymuned a chynhwysiant o fewn Tîm Heddlu De Cymru.
Salesforce
Mae Salesforce yn helpu busnesau i gysylltu cwsmeriaid, gweithwyr a gweithrediadau drwy blatfform unedig gan ddefnyddio deallusrwydd artiffisial dibynadwy, rhaglenni cyfrifiadurol o’r radd flaenaf, a data unedig – o swyddogaethau blaen swyddfa, megis gwerthu a gwasanaeth cwsmeriaid, i wasanaethau cefn swyddfa, fel gweithrediadau a technoleg gwybodaeth. Gall bodau dynol ac asiantau Deallusrwydd Artiffisial weithio ar y cyd, gwneud penderfyniadau, a chwblhau gwaith gan ddefnyddio unrhyw ryngwyneb heb newid offer na cholli’r cyd-destun.
Comisiynydd Heddlu a Throseddu De Cymru
Cyflwynwyd rôl Comisiynwyr yr Heddlu a Throseddu yn 2012 i fod yn llais etholedig y bobl ac i sicrhau y darperir plismona effeithlon ac effeithiol.
Etholwyd Comisiynydd yr Heddlu a Throseddu De Cymru, Emma Wools yn Mai 2024.
Ffederasiwn Heddlu De Cymru
Ffederasiwn Heddlu Cymru a Lloegr yw’r gymdeithas staff sy’n cynrychioli dros 130,000 o swyddogion rheng a llinell.
Mae pob cangen yn gweithredu fel y corff trafod ac ymgynghori gan ddarparu cyswllt effeithiol rhwng swyddogion ac uwch reolwyr.
Unison Cymru Wales
UNSAIN yw’r undeb mwyaf yng Nghymru, gyda thros 100,000 o aelodau ym mhob rhan o’r wlad. Mae cynrychiolwyr UNSAIN yn ymroddedig i gefnogi eu haelodau yn y gweithle ac ymgyrchu i wella cyflogau ac amodau cyflogaeth.
Prifysgol De Cymru
Ni yw'r Brifysgol ar gyfer De Cymru, gyda champysau yng Nghaerdydd, Casnewydd a Phontypridd. Wedi ein hysgogi gan ein cenhadaeth i newid bywydau a'n byd er gwell, Prifysgol De Cymru yw prifysgol ehangu cyfranogiad arweiniol Cymru, sy'n gwella cyfleoedd bywyd unigolion ac yn creu cymunedau mwy llewyrchus. Cawsom ein sefydlu gan ddiwydiant dros 180 o flynyddoedd yn ôl, ac rydym yn parhau i adael y tu allan i mewn gyda chwricwlwm wedi'i arwain gan ddiwydiant, profiad gwaith byd go iawn, ac ymchwil gymhwysol ac arloesedd. Cawn ein creu ar y cyd â'r diwydiant i ymdrin â heriau lleol a heriau byd-eang.
Cydnabuwyd 35 o unigolion neu dimau ar draws 13 o gategorïau yn y gwobrau. Llongyfarchiadau i:
Gwobr Tosturi, noddwyd gan Comisiynydd yr Heddlu a Throseddu De Cymru
Swyddog Cymorth Cymunedol yr Heddlu Andrew Jones
Darparu cymorth eithriadol yn gyson i bobl sy'n agored i niwed yng nghymuned Glyn-nedd.
Ditectif Cwnstabl Claire Davies
Proffesiynoldeb ac ymroddiad eithriadol i gefnogi rhai o'r bobl fwyaf agored i niwed yn ein cymunedau.
Gwobr Dewrder, noddwyd gan Cyfreithwyr Dolmans
Ymosodiad Terfysgol yng Ngorsaf Heddlu Tonysguboriau
Dewrder eithriadol wrth fynd i'r afael â therfysgwr a oedd bwriadu niweidio swyddogion heddlu yng Ngorsaf Heddlu Tonysguboriau, a'i arestio.
Tîm Ymateb Sandfields
Gwaith rhagorol fel tîm i achub bywyd menyw mewn perygl uchel o foddi oddi ar draeth Aberafan.
Cwnstabl Gavin Leyshon
Aros yn ddigynnwrf, yn ddigyffro ac yn broffesiynol wrth ddal dyn arfog a chanddo gyllell fawr.
Gwobr Gweithlu Dewr ac Ymroddgar, noddwyd gan Prifysgol De Cymru
Uned Gwrth-lygredd
Ymrwymiad eithriadol i wella safonau darparu gwasanaethau a sicrhau diwylliant iach yn y gweithle.
Tîm Gweithredu Viva Engage
Gweithredu Viva Engage yn llwyddiannus, sef platfform lle mae cydweithwyr yn teimlo eu bod yn cael eu clywed, eu gwerthfawrogi ac mewn cyswllt.
Gwobr Cydraddoldeb, Amrywiaeth a Chynhwysiant Derrick Hassan, noddwyd gan Unsain Cymru
Ditectif Cwnstabl Imran Ashraf
Proffesiynoldeb, tosturi ac ymrwymiad neilltuol wrth gefnogi teulu Kamran Aman.
Gwobr Effeithlonrwydd a Chynhyrchiant, noddwyd gan noddwyd gan Comisiynydd yr Heddlu a Throseddu De Cymru
Adran Ystadau
Cyflawni Strategaeth Ystadau uchelgeisiol ochr yn ochr â rheoli'r galw beunyddiol.
Ditectif Arolygydd Robert Ewin
Arweinyddiaeth eithriadol i sicrhau gwell rheolaeth o lwythi gwaith a rhannu data fforensig digidol yn ddiogel.
Cwnstabl Ernest Fear
Cymryd perchnogaeth o Hyfforddiant Trefn Gyhoeddus, gwella safonau a gwneud arbedion cost sylweddol.
Gwobr Darparu Gwasanaeth o’r Radd Flaenaf i Ddioddefwyr, noddwyd gan Salesforce
Cwnstabl Danielle Bartz
Proffesiynoldeb, tosturi ac ymroddiad eithriadol wrth weithio gyda dioddefwr cam-drin domestig a oedd yn agored iawn i niwed.
Cwnstabl John Curry
Ymrwymiad rhagorol i ddiogelu mwy na 200 o ddioddefwyr cam-drin domestig gan ddefnyddio gorchmynion amddiffynnol.
Ditectif Cwnstabl Stacey Jones
Gwaith rhagorol yn arwain at ddedfryd estynedig o 30 mlynedd ar gyfer achos o gam-drin rhywiol yn y teulu gyda thri dioddefwr a oedd yn blant.
Ditectif Cwnstabl Andy Williams
Gwaith eithriadol i sicrhau cyfiawnder i Jensen-Lee Dougal, pum mis oed, gan gefnogi ei deulu a gofalu amdanynt.
Y Tîm Ymchwilio i Lofruddiaeth Paria Veisi
Ymateb eithriadol i lofruddiaeth Paria Veisi, yn canolbwyntio ar y dioddefwr, a oedd yn achos rhyngwladol heriol a chymhleth.
Gwobr Uniondeb, noddwyd gan Niche Technology
Uwch-arolygydd Dai Cole
Yn cydnabod penderfyniad tawel Dai i wneud yr hyn a oedd yn iawn bob amser drwy gydol ei 25 mlynedd o wasanaeth.
Gwobr Erlid Troseddwyr yn Ddi-baid, noddwyd gan Niche Technology
Tîm Ymgyrch Helia
Gwaith eithriadol ar ymchwiliad cymhleth i gamfanteisio'n rhywiol ar blant ar-lein a oedd yn cynnwys dioddefwyr ledled y Deyrnas Unedig.
Tîm Ymgyrch Leskea
Ymrwymiad, gofal a gwydnwch eithriadol drwy gydol yr ymchwiliad cymhleth i saethu angheuol Joanne Penney.
Tîm Ymgyrch Lemna
Gwaith rhagorol ar ymchwiliad cymhleth i geisio llofruddio a herwgipio.
Ditectif Cwnstabl Gareth Brien
Dangos penderfyniad ac arloesedd wrth ymchwilio i grŵp troseddau cyfundrefnol soffistigedig.
Gwobr Cyflawniad Oes Swyddog yr Heddlu, noddwyd gan Ffederasiwn Heddlu De Cymru
Detective Chief Inspector Donna Clutterbuck
Wedi ymrwymo i amddiffyn y rhai mwyaf agored i niwed yn ein cymunedau ac yn ein gweithlu ers bron 30 mlynedd.
Cwnstabl Emma Warner-Brindley
Enw da am ragoriaeth ym mhob rôl a gafwyd. Gwasanaethu ein cymunedau a chefnogi cydweithwyr am bron 30 mlynedd.
Detective Inspector David Butt
Adlewyrchu gyrfa ragorol am 30 mlynedd, wedi'i diffinio gan ragoriaeth, uniondeb ac ymrwymiad diwyro i wasanaeth cyhoeddus.
Gwobr Cyflawniad Oes Staff yr Heddlu, noddwyd gan Comisiynydd yr Heddlu a Throseddu De Cymru
Cynorthwy-ydd Cymorth Cuddwybodaeth Kerrie Evans
Curiad calon y tîm. Cydnabod 37 mlynedd o wasanaeth rhagorol ym maes Safonau Proffesiynol.
Rheolwr Gwella Parhaus Tracey Cook
Cydnabod gallu rhagorol i arwain, ysbrydoli a chefnogi eraill trwy gydol eich gyrfa yn ein Canolfan Gwasanaeth Cyhoeddus.
Gwobr Cyflawniad Gwirfoddolwr yr Heddlu, noddwyd gan Chwaraeon Heddlu De Cymru
Parchedig Robert Coyne
Cydnabod ymrwymiad diwyro i ddarpariaeth y Gaplaniaeth yn Heddlu De Cymru ers bron degawd.
Arolygydd Arbennig Kieron Pike
Ymrwymiad, proffesiynoldeb ac arweinyddiaeth eithriadol am dros chwe mlynedd o wasanaeth gwirfoddol.
Heddlu Gwirfoddol Uned Reoli Sylfaenol Caerdydd a'r Fro
Ymrwymiad i wasanaethu ein cymunedau a helpu i ymdrin â blaenoriaethau plismona Caerdydd a’r Fro.
Gwobr Ymddiriedaeth a Hyder, noddwyd gan Comisiynydd yr Heddlu a Throseddu De Cymru
Tîm Ymgyrch Tellima
Dull eithriadol mewn partneriaeth i fynd i'r afael â delio cyffuriau a throseddu cysylltiedig yn Nhredelerch.
Swyddog Cymorth Cymunedol yr Heddlu Ayeshah Williams
Ymrwymiad eithriadol i gymunedau Treforys ac Eastside, arwain ar fentrau a gweithio gyda phartneriaid.
Tîm Ymgyrch Livewire
Mynd i'r afael â'r defnydd o e-feiciau ac e-sgwteri anghyfreithlon, a'r niwed cysylltiedig, yn Uned Reoli Sylfaenol Caerdydd a'r Fro.
Tîm Prosiect Pili-Pala
Partneriaeth ragorol sy'n darparu amgylchedd diogel a chefnogol i ferched 13–16 oed.
Gwobr Cydnabyddiaeth Arbennig y Prif Gwnstabl
Gweinyddwr Swyddfa Adnabod Rhifau Cerbydau yn Awtomatig Trevor Wallbank
Dathlu 50 mlynedd o wasanaeth rhagorol, cyflawniad eithriadol ac ymrwymiad i wasanaeth cyhoeddus.
Cwnstabl Tony Phipps
Ymddiriedaeth a gwerthfawrogiad. Cydnabod 40 mlynedd o gefnogaeth ragorol i gydweithwyr a chymuned Treforys.