Carcharu dyn 74 oed am dreisio dioddefwr dros 20 mlynedd yn ׅôl
Cynnwys y prif erthygl
Mae Sami Aharroud, 74 oed, wedi cael ei garcharu am 10 mlynedd am dreisio menyw fwy nag 20 mlynedd yn ôl.
Daeth ei droseddau i'r amlwg ar ôl i'r dioddefwr dewr riportio'r unigolyn yn 2022.
Gwnaeth Aharroud, o'r Sblot yng Nghaerdydd, wadu'r achos o dreisio ond fe'i cafwyd yn euog yn dilyn achos llys yn Llys y Goron Casnewydd ym mis Gorffennaf 2026.
Cafodd ei ddedfrydu yn Llys y Goron Merthyr ar 12 Hydref 2026 i 10 mlynedd o garchar, yn ogystal â chyfnod estynedig o dair blynedd ar drwydded.
Mae'n parhau i fod yn destun Gorchymyn Atal a Gorchymyn Atal Niwed Rhywiol er mwyn amddiffyn y dioddefwr ymhellach.
Dywedodd y swyddog fu'n ymwneud â'r achos, y Ditectif Ringyll Stacey Bolton o Heddlu De Cymru: "Mae'r dioddefwr wedi bod mor gryf drwy gydol y broses hon, ar ôl byw gydag effaith gweithredoedd Aharroud am fwy nag ugain mlynedd cyn teimlo'n barod i gysylltu â'r heddlu.
"Yna helpodd hi i gefnogi ymchwiliad estynedig, ac yn ddewr iawn a chyda chefnogaeth ei theulu, aeth hi gerbron y llys i ddarllen datganiad am yr effaith arni.
"Gobeithio y bydd y canlyniad yn rhoi rhywfaint o dawelwch meddwl iddi fod cyfiawnder wedi'i weinyddu o'r diwedd, a hoffem anfon ein dymuniadau gorau iddi wrth iddi barhau i wella ar ôl y profiad ofnadwy hwn.
"Mae'r achos hwn yn dangos unwaith eto nad yw hi byth yn rhy hwyr i ddioddefwyr troseddau rhywiol gysylltu â ni."
Mae Heddlu De Cymru yn cymryd pob adroddiad am drais rhywiol o ddifrif, ac nid hi yw byth yn rhy hwyr i roi gwybod am drosedd.
Mae cymorth a chefnogaeth ar gael i unrhyw un sydd wedi dioddef trais rhywiol, a byddem yn annog pob dioddefwr, ni waeth pryd y digwyddodd y drosedd, i roi gwybod amdani.
Ewch i'n gwefan i gael rhagor o wybodaeth am y cymorth sydd ar gael:
Fel arall, gallwch chi gysylltu â ni drwy un o'r ffyrdd canlynol:
- Sgwrs Fyw https://www.south-wales.police.uk/
- Riportiwch ar-lein drwy https://www.south-wales.police.uk/cy-GB/riportio/riportio
- E-bostiwch [email protected]
- 101
Ffoniwch 999 bob amser mewn argyfwng