Carcharu dyn o Ben-y-bont ar Ogwr am droseddau cyffuriau
Cynnwys y prif erthygl
Mae dyn o Ben-y-bont ar Ogwr wedi cael ei garcharu am droseddau cyffuriau yn dilyn ymchwiliad gan Heddlu De Cymru.
Cafodd Daniel Merry, 36 oed o Ben-y-bont ar Ogwr, ei ddedfrydu i bedair blynedd a phedwar mis yn y carchar yn dilyn ei euogfarn.
Fe'i dedfrydwyd yn Llys y Goron Caerdydd ddydd Iau 8 Hydref, lle plediodd Merry yn euog i un achos o ymwneud â chyflenwi cyffur rheoledig o Ddosbarth B - canabis - ac un achos o ymwneud â chyflenwi cocên.
Roedd swyddogion ar batrôl ym mis Awst 2026 pan welsant fan Ford Transit oedd yn gysylltiedig â Merry a'i stopio gan nad oedd MOT ar y cerbyd. Ar ôl stopio'r fan, siaradodd y swyddogion â Merry. Cafodd Merry ei chwilio a chanfuwyd bod ganddo iPhone oren a waled ddu yn cynnwys £700.
Yn dilyn hynny, aeth swyddogion ati i chwilio eiddo oedd yn gysylltiedig â Merry. Yno, daethant o hyd i sawl bag yn cynnwys tabledi, cyllell glo a bwa croes. Pan gafodd cynnwys ffôn Merry ei lawrlwytho, gwelwyd ei fod yn cynnwys negeseuon a oedd yn ei gysylltu â gweithgarwch cyflenwi cocên yn ardal Pen-y-bont ar Ogwr.
Dywedodd Cwnstabl yr Heddlu Justyn Lewis: "Dilynodd ein timau eu greddf, ac mae Merry yn wynebu dedfryd hir o garchar yn sgil y gweithredu hwn."
"Mae cyffuriau yn cael effaith enfawr ar ein cymunedau, felly mae cadw'r cyffuriau hyn oddi ar y strydoedd yn flaenoriaeth i'n timau."