Carcharu siopleidr o Abertawe ar ôl iddo dargedu sawl siop yng nghanol y ddinas
Cynnwys y prif erthygl
Mae dyn o Abertawe wedi ei garcharu ar ôl cyfaddef iddo ddwyn o siopau a thrin nwyddau yr oedd yn gwybod eu bod wedi'u dwyn.
Aeth Wayne Rogers, 43 oed, o ganol y ddinas, i mewn i Ann Summers, yn Whitewalls, ar 8 Ebrill gan ddwyn dillad isaf gwerth £64. Dychwelodd i'r un siop ar 11 Ebrill a dwyn saith set o ddillad isaf gwerth £77. Yr un diwrnod, targedodd Slaters ar Princess Way, gan ddwyn pedwar crys gwerth £140.
Gorchmynnwyd iddo dalu cyfanswm o £282 o iawndal i'r siopau a chafodd ei garcharu am 12 wythnos.
Ym mis Hydref, plediodd Rogers hefyd yn euog i drin nwyddau wedi'u dwyn ar ôl derbyn pâr o esgidiau rhedeg Nike yr oedd yn gwybod eu bod wedi'u dwyn.
Heddiw, mae wedi ei ddedfrydu i bedwar mis yn y carchar.
Dywedodd y Rhingyll Emyr Price:
"Mae taclo dwyn o siopau yng nghanol ein dinas yn flaenoriaeth bwysig i dîm plismona’r gymuned yn y Ddinas.
"Yn anffodus, mae Wayne Rogers wedi parhau i droseddu a chymryd rhan mewn troseddau, heb feddwl am y niwed y mae hyn yn ei achosi i fusnesau yn y ddinas."