Carcharu deliwr cyffuriau o Lundain ar ôl brathu heddwas yn Abertawe

Gwnaeth dyn o Lundain frathu heddwas wrth iddo gael ei arestio am ei rôl yn cyflenwi cyffuriau Dosbarth A.

Cafodd Abdullah Saed, 25 oed, o Penge, ei arestio ar Stryd Matthew yn Waun Wen, Abertawe ar 31 Mawrth eleni ar ôl i swyddogion ei stopio tra roedd yn meddu ar fag siopa gwyn ac yn ceisio cael mynediad i adeilad.

Roedd gan Saed allwedd i gerbyd a oedd, pan gafodd ei chwilio, yn cynnwys pedwar bag o gocên, sawl bag o ganabis gwerth cyfanswm o 236 gram, arian parod a ffôn. Ceisiodd Saed daflu'r allwedd i'r cerbyd i ffwrdd wrth gael ei arestio.

Plediodd Saed yn euog i feddu ar gocên a chanabis gyda'r bwriad o'u cyflenwi, ymwneud â chyflenwi cocên a chanabis ac ymosod ar weithiwr brys.

Mae wedi cael ei ddedfrydu i 32 mis yn y carchar.

Dywedodd y Rhingyll Amy Joseph:

"Roedd hi'n amlwg bod Abdullah Saed yn Abertawe gyda'r unig bwrpas o lenwi'r strydoedd â'i gyffuriau Dosbarth A a B.

"Pan gafodd ei ddal wrthi, gwnaeth Saed - yr oedd ganddo glefyd heintus yn ôl pob sôn - frathu'r swyddog; gweithred warthus na wnaeth ef ddangos unrhyw edifeirwch o gwbl amdani yn ystod yr ymchwiliad.

"Mae'n bleserus felly ei fod wedi cael ei roi yn y carchar."

Mae ymdrin â throseddau cyfundrefnol yn flaenoriaeth i Heddlu De Cymru a byddwn yn parhau i weithio’n ddiflino i ddal troseddwyr er mwyn amddiffyn cymunedau rhag niwed.

Os ydych chi’n amau bod delio cyffuriau’n digwydd neu’n pryderu efallai bod person ifanc neu blentyn neu oedolyn agored i niwed wedi cael ei dargedu gan grwp troseddau cyfundrefnol, dywedwch wrthym ni. Nid oes angen i chi fod yn bendant, dim ond yn bryderus.

Ffoniwch ni ar 101 neu os oes well gennych chi gallwch gysylltu â Crimestoppers i roi gwybod yn ddienw - ar-lein neu drwy ffonio 0800 555 111. Os yw rhywun mewn perygl ar unwaith neu os yw trosedd yn mynd rhagddi, dylech ffonio 999 bob amser.