Carcharu cwpl ar ôl i ddyn ymosod ar gyn-bartner menyw â chyllell

Mae dyn a'i bartner wedi cael eu carcharu ar ôl i’r heddlu ganfod bod y ddau wedi bod yn rhan o drosedd Adran 18 a gyflawnwyd yn erbyn cyn-bartner y fenyw yn Abertawe ym mis Awst.

Ymosododd Craig Godfrey, 36 oed o Waun Wen, ar y dioddefwr â chyllell a'i adael â rhwygiad i ochr chwith ei wddf yn dilyn yr ymosodiad ar Ffordd Sain Helen.

Yn ystod yr ymosodiad, gwnaeth Michaela Nicholls, 34 oed o Ystradgynlais ym Mhowys, ddefnyddio tennyn ci i anelu ergyd at y dioddefwr. Dioddefodd y dyn anafiadau difrifol dan ddwylo’r ddau ymosodwr.

Plediodd Godfrey yn euog i Adran 18 clwyfo'n fwriadol a bod â llafn cyllell yn ei feddiant mewn man cyhoeddus ar 23 Medi.

Plediodd Nicholls yn euog i Adran 18 clwyfo'n fwriadol a bod ag arf ymosodol yn ei meddiant mewn man cyhoeddus.

Cafodd Godfrey ddedfryd estynedig o ddeg mlynedd yn y carchar. Mae Nicholls wedi cael ei dedfrydu i bedair blynedd a bydd yn treulio cyfanswm o bum mlynedd a chwe mis yn y carchar.

Dywedodd y Ditectif Arolygydd Thomas Richardson:

"Roedd hwn yn ymosodiad brawychus ar fore haf, pan fyddai llawer o bobl ar Ffordd Sain Helen wedi bod yn dechrau yn y gwaith. 

"Mae'n hynod ffodus na chafodd y dioddefwr ei ladd.

"Mae Stephen Godrey yn ddyn peryglus tu hwnt a oedd yn ceisio achosi cymaint o niwed i'r dioddefwr ag y gallai, ac fe wnaeth Michaela Nicholls chwarae rhan sylweddol yn yr ymosodiad hefyd. Mae'r ddau yn llawn haeddu'r dedfrydau llym a gawsant."