Dynes yn ei 80au wedi'i thwyllo allan o £20,000

Gwnaeth Cleonest Massera dwyllo menyw yn ei 80au o £20,000 drwy esgus bod yn swyddog heddlu.

Mae ef bellach yn y carchar yn dilyn ymchwiliad gan Heddlu De Cymru.

Gwnaeth Massera, 21, o Bentwyn, Caerdydd, gysylltu â'r menyw ym mis Tachwedd 2025 gan honni ei bod wedi bod yn destun sgam.

Cynigiodd ofalu am ei phethau gwerthfawr a gwnaed trefniadau i 'swyddog heddlu' gasglu'r arian a'r gemwaith o'i chartref.

Dywedodd ef wrthi i beidio â rhoi gwybod i'r teulu na ffrindiau am y drosedd gan y gallai hynny arwain at ei harestio am wyrdroi cwrs cyfiawnder.

Yn ffodus, cafodd perthnasau eu hysbysu ac ymhen dyddiau cafodd Massera ei arestio a'i gyhuddo.

Cafwyd Massera yn euog o dwyll drwy ymhoniad anwir yn dilyn treial yn Llys y Goron Caerdydd ym mis Mehefin.

Clywodd y llys ei fod wedi esgus bod yn negesydd heddlu  rhwng 27 Tachwedd a 30 Tachwedd 2025 er mwyn cymryd arian parod, gemwaith a chardiau banc a oedd yn perthyn i'r dioddefwr.

Cafodd ei ddedfrydu yn Llys y Goron Caerdydd, ddydd Llun 6 Gorffennaf, i 32 mis yn y carchar.

Dywedodd y Cwnstabl Ditectif Joseph Davies:

“Rydym yn parhau i annog pobl i aros yn wyliadwrus ac i gadw llygad ar eu perthnasoedd bregus a allai fod yn agored i dwyll ar-lein.”

“Mae’r ymchwiliad hwn yn ein hatgoffa o’n hymrwymiad i ddwyn twyllwyr i gyfrif ac i ddiogelu aelodau bregus o’n cymunedau.”

Bydd twyllwyr yn defnyddio tactegau amrywiol i gael gafael ar fanylion banc.

• Os byddwch yn cael unrhyw negeseuon testun sy'n honni eu bod gan eich banc yn gofyn i chi glicio ar ‘ddolenni’, peidiwch â gwneud hynny. Dilëwch y negeseuon a chysylltwch â'ch banc ar unwaith.

• Peidiwch byth â rhoi eich manylion banc na'ch manylion personol i unrhyw un nad ydych yn ei adnabod neu'n ymddiried ynddo. Mae'r wybodaeth hon yn werthfawr, felly gwnewch yn siwr eich bod yn ei chadw'n ddiogel.
• Ni fydd swyddogion yr heddlu byth yn gofyn i unrhyw un godi arian parod nac yn gofyn am fanylion banc personol.

Ceir rhagor o gyngor defnyddiol a all eich helpu chi neu'ch anwyliaid a'ch diogelu rhag sgamwyr, yma https://www.south-wales.police.uk/cy-GB/cyngor/cyngor-a-gwybodaeth/Twyll/twyll/twyll-personol/twyll-personol-sut-atal/

Cysylltwch â Heddlu De Cymru drwy un o'r ffyrdd canlynol.

💻 Cysylltwch â ni ar-lein yn https://www.south-wales.police.uk/cy-GB/riportio/riportio

📞 Ffoniwch 101 neu Crimestoppers yn ddienw ar 0800 555 111.

Ffoniwch 999 bob amser mewn argyfwng.