Carcharu dyn o Ferthyr am aflonyddu
Cynnwys y prif erthygl
Mae dyn wedi cael ei garcharu am nifer o droseddau aflonyddu yn dilyn ymchwiliad gan Heddlu De Cymru.
Cafodd Nathan Morgan, 37 oed o Ferthyr Tudful, ei ddedfrydu i 26 wythnos yn y carchar ar ôl i reithgor ei gael yn euog.
Cafodd Morgan ei ddedfrydu ddydd Iau 23 Gorffennaf yn Llys Ynadon Merthyr Tudful lle plediodd yn euog i dri chyhuddiad o aflonyddu, torri gorchymyn atal, a chyhuddiad o aflonyddu heb drais.
Aeth swyddogion i gyfeiriad ym Merthyr Tudful ar 7 Gorffennaf ar ôl ymateb i alwad yn rhoi gwybod bod Morgan wedi torri amodau ei orchymyn atal yn erbyn y dioddefwr. Cafodd yr heddlu alwad arall y diwrnod canlynol yn dweud bod Morgan wedi mynd yn ôl i'r un cyfeiriad. Aeth swyddogion i'r eiddo ond fe wnaeth Morgan ffoi o'r lleoliad.
Ymhen pythefnos, ac yn dilyn ymholiadau arestio, cafodd Morgan ei arestio.
Dywedodd Cwnstabl yr Heddlu Dan Brookman: "Cafodd y dioddefwr ei aflonyddu’n gyson gan Nathan Morgan ac ni ddylai neb orfod wynebu hyn."
Drwy fynd i'w gartref yn gyson, gwnaeth Morgan achosi i’r dioddefwr deimlo’n llawn ofn a gofid, ac ni ddangosodd unrhyw edifeirwch am ei weithredoedd.
“Mae unrhyw fath o aflonyddu yn gwbl annerbyniol a ni chaiff ei oddef gan yr heddlu. Dylai unrhyw un sy'n wynebu'r math hwn o ymddygiad roi gwybod i ni amdano ar unwaith."
