Gwahardd siopleidr mynych o Greggs, Tesco a Co-Op

Yn dilyn ei heuogfarnau diweddar am droseddau dwyn o siopau, rhoddwyd Gorchymyn Ymddygiad Troseddol (CBO) am ddwy flynedd i Morgan Adney yn Llys Ynadon Caerdydd ar 1 Mehefin.

Cyfaddefodd Adney, o Butetown, ei bod wedi dwyn nwyddau gwerth £50 o Tesco yn Sgwâr Canolog, canol dinas Caerdydd, a’i bod wedi ymosod ar swyddog diogelwch.

Cafodd ei charcharu am bedair wythnos hefyd.

Yn rhan o'r Gorchymyn, rhaid i Adney beidio â mynd i mewn i unrhyw siopau Greggs neu Tesco yng nghanol dinas Caerdydd, na’r siopau Co-Op ar Stryd Tyndall a Heol Dumballs.

Nod y CBO yw atal troseddu ac amddiffyn y gymuned, gweithwyr lleol, ac aelodau'r cyhoedd rhag gofid a tharfu parhaus a niwed posibl.

Mae Heddlu De Cymru yn gweithio'n agos â manwerthwyr a busnesau i'w hamddiffyn rhag troseddau ac ymddygiad gwrthgymdeithasol gan unigolion fel Morgan Adney.

Gall dwyn o siopau gael effaith ddinistriol ar weithwyr siop a manwerthwyr.

Mae'r achos hwn yn dangos ein hymrwymiad i fynd i'r afael â dwyn o siopau a chefnogi'r diwydiant.

Dylid rhoi gwybod i'r heddlu am ddigwyddiadau ac achosion o dorri gorchmynion.

• Riportiwch ar-lein drwy https://www.south-wales.police.uk/cy-GB/riportio/riportio
• 101

Ffoniwch 999 bob amser mewn argyfwng