Diweddariad am yr ymchwiliad i lofruddiaeth yng Ngorseinon: arestio ail ddyn
Cynnwys y prif erthygl
Mae swyddogion yn parhau i ymchwilio yn dilyn gwrthdrawiad angheuol rhwng car a beic oddi ar y ffordd ar Heol Pen Cae Crwn, Gorseinon, Abertawe am 12:58 ddoe (dydd Iau 9 Gorffennaf).
Mae dyn 18 oed o Dreforys wedi cael ei arestio ar amheuaeth o lofruddiaeth, gyrru cerbyd modur yn beryglus, gyrru cerbyd modur tra roedd mewn cyflwr anaddas oherwydd cyffuriau a gyrru cerbyd modur gyda chyffur a reolir penodol uwchlaw'r trothwy penodedig.
Mae dyn 18 oed o Orseinon hefyd wedi cael ei arestio ar amheuaeth o lofruddiaeth a niwed corfforol difrifol bwriadol Adran 18.
Mae'r ddau ddyn yn nalfa'r heddlu ar hyn o bryd.
Mae'r holl ffyrdd a gafodd eu cau yn dilyn y digwyddiad brynhawn ddoe bellach wedi ailagor, ac eithrio'r lôn gyfagos â Heol Cecil.
Dywedodd y Ditectif Brif Arolygydd Danielle Thorne o'r Tîm Ymchwilio i Droseddau Mawr: "Mae ein meddyliau a'n cydymdeimlad yn parhau i fod gyda theuluoedd ac anwyliaid y rhai hynny a oedd yn gysylltiedig â'r digwyddiad hwn. Rydym wrthi'n rhoi cymorth arbenigol ac yn gofyn am barchu eu preifatrwydd yn ystod y cyfnod hynod ofidus hwn.
"Hoffwn ddiolch i bobl Gorseinon a'r rheini a oedd naill ai'n dyst i'r digwyddiad neu sydd wedi bod yn agos i'r lleoliad am eu cefnogaeth i'n swyddogion yn ystod yr ymchwiliad hwn, sydd wedi cynnwys rhoi dŵr ac eli haul. Mae ein swyddogion yn hynod ddiolchgar.
"Rydym yn ymwybodol o ddelweddau cyfryngau cymdeithasol sy'n cael eu dangos yn sgîl y digwyddiad hwn, ac yn gofyn i bobl beidio â rhannu'r rhain am resymau amlwg. Mae ein hymchwiliad yn parhau ac mae'n debygol y bydd mwy o bresenoldeb plismona yn yr ardal am gryn amser.
Mae cymorth ar gael i'r rheini a welodd y digwyddiad neu ei ganlyniadau. Cysylltwch â ni drwy'r manylion uchod am ragor o wybodaeth.
Fel arall, mae cymorth ar gael yma:
NHS 111 (opsiwn 2)