Carchar i gyflenwr cyffuriau Dosbarth A o Abertawe

Mae dyn o Abertawe wedi cael ei garcharu ar ôl cyfaddef amrywiaeth o droseddau, gan gynnwys bod â chyffuriau Dosbarth A yn ei feddiant gyda’r bwriad o’u cyflenwi.

Gwnaeth swyddogion mewn car heddlu heb ei farcio sylwi ar Zubair Mehdi, 27 oed o Mayhill, yn mynd i mewn i gerbyd ac eistedd yn sedd y gyrrwr tra roeddent ar batrôl. Roedd y swyddogion yn gwybod nad oedd ganddo drwydded na’r yswiriant priodol.

Er i Mehdi gydweithredu i ddechrau wrth i swyddogion ei arestio, ceisiodd wthio ei ffordd heibio swyddogion mewn ymgais i ddianc, gan ddifrodi radio un o’r swyddogion wrth wneud hynny. Fodd bynnag, gwnaeth swyddogion lwyddo i ddal Mehdi a dod o hyd i symiau o bowdr gwyn o dan sedd y gyrrwr wrth chwilio ei gerbyd.

Plediodd Mehdi yn euog i fod â chocên yn ei feddiant gyda'r bwriad o'i gyflenwi, gyrru tra roedd wedi'i wahardd, achosi difrod troseddol i eiddo, defnyddio cerbyd modur heb yswiriant trydydd parti, a gwrthsefyll cwnstabl a oedd wrthi’n cyflawni ei ddyletswydd. 

Mae wedi cael ei ddedfrydu i chwe blynedd yn y carchar.

Dywedodd y Ditectif Arolygydd Richard George:

"Mae'n amlwg bod Zubair Mehdi yn diystyru’r gyfraith yn gyfan gwbl. Hyd yn oed pan gafodd ei drwydded yrru ei thynnu, penderfynodd fynd y tu ôl i'r llyw beth bynnag.

Y math hwnnw o ddirmyg tuag at wneud y peth iawn yw'r union beth sydd wedi arwain at ei gyfnod hir yn y carchar. Mae’n siŵr ei fod yn meddwl erbyn hyn y dylai fod wedi dysgu ei wers cyn cyrraedd y pwynt hwn.”