Carcharu lleidr yn dilyn achos o ddwyn o dŷ yn y Sblot

Cafodd Lloyd Paterson, 28 oed o Butetown, ei garcharu am 54 mis ar 31 Mawrth. Roedd hyn yn dilyn ple euog i gyflawni byrgleriaeth mewn eiddo a dwyn – dim trais yn Llys y Goron Caerdydd ar 24 Chwefror.

Cafodd swyddogion eu galw i gyfeiriad ar Stryd Aberystwyth, y Sblot, tua 5.20am ar 22 Gorffennaf yn dilyn adroddiadau am fyrgleriaeth. Roedd Paterson wedi mynd i mewn i'r tŷ a dwyn Nintendo Switch, waled, yr hyn oedd yn y waled, ffôn symudol, ac e-sgwter.

Sylwodd swyddogion ar y safle mai Peterson oedd yr unigolyn dan amheuaeth,  a gwnaethant ddechrau ymholiadau i ddod o hyd iddo. Wrth gynnal ymholiadau arestio yn Adamsdown, ceisiodd Paterson osgoi swyddogion drwy ddianc ar droed, ond rhedodd swyddogion ar ei ôl. Fe’i harestiwyd yn fuan wedyn.

Dywedodd y Ditectif Brif Arolygydd Catherine Loosemore: "Aeth Paterson i mewn i gartref y dioddefwyr a dwyn oddi arnynt. Yn sicr, byddai hynny wedi cael effaith ar eu hymdeimlad o ddiogelwch. Gobeithio y bydd y ddedfryd hon yn eu helpu rhywfaint i deimlo’n ddiogel yn eu cartref eto.”