Carcharu dyn o Abertawe ar ôl iddo gynnau tân bwriadol mewn hostel yng nghanol y ddinas
Cynnwys y prif erthygl
Mae dyn o Abertawe wedi cael ei garcharu ar ôl iddo ddechrau tân yn ei lety â chymorth yn fwriadol, gan beryglu bywydau pobl eraill wrth wneud hynny.
Defnyddiodd Matthew Draper, 40 oed o ganol y ddinas, danwydd i losgi locer yn hostel The Wallich, sef hostel i bobl ag anghenion cymhleth, gan aros ar y safle wedyn i wylio'r tân yn lledaenu.
Plediodd Draper yn euog i losgi bwriadol a llosgi bwriadol diofal ynglŷn â pheryglu bywyd. Mae wedi cael ei ddedfrydu i 27 mis yn y carchar.
Dywedodd Cwnstabl yr Heddlu Gareth Bennett:
“Gallai ymddygiad hurt fel ymddygiad Matthew Draper fod wedi arwain at anafiadau difrifol neu hyd yn oed colled bywyd y diwrnod hwnnw.
“Roedd hwn yn ymddygiad hollol ddifeddwl ac ni ellir ei oddef
“Mae'n amlwg ei fod yn berygl i gymdeithas ac mai’r carchar yw'r lle gorau iddo."