Carcharu dyn ar ôl iddo gyfaddef i dagu ei gyn-bartner

Mae dyn wedi cael ei garcharu ar ôl iddo bledio'n euog i dagu ei gyn-bartner.

Plediodd Daniel Rogers, 38 oed heb gartref sefydlog, yn ddieuog i'r drosedd i ddechrau, ond newidiodd ei ble ym mis Mawrth.

Mae Rogers wedi cael ei ddedfrydu i 18 mis yn y carchar. Mae hefyd wedi cael ei wneud yn destun gorchymyn atal yn erbyn y dioddefwr.

Dywedodd y Rhingyll Danielle Walters:

“Roedd dioddefwr Daniel Rogers yn credu ei fod yn mynd i'w lladd o ganlyniad i'w drais domestig. Roedd ofn arni roi gwybod am yr hyn roedd yn digwydd ar y dechrau, gan ei bod yn ofni y byddai Rogers yn dial arni pe bai'n gwneud hynny.

“Yn anffodus, mae hyn yn digwydd yn rhy aml o lawer mewn achosion o drais domestig fel yr un yma.

“Mae hi wedi bod trwy brofiad erchyll, ac rydym yn falch na fydd rhaid iddi ddioddef camdriniaeth dan ddwylo Allen nawr ei fod yn mynd i'r carchar. Mae'r dioddefwr yn derbyn yr holl gymorth sydd ar gael yn dilyn y profiad dychrynllyd hwn.”