Carcharu deliwr cyffuriau o Townhill ar ôl iddo gael ei ddal gan swyddogion mewn dillad plaen
Cynnwys y prif erthygl
Mae dyn o Abertawe wedi cael ei garcharu ar ôl iddo gael ei ddal yn cyflenwi cyffuriau Dosbarth A.
Cafodd Kian Meredith, 22 oed o Townhill, ei weld gan swyddogion mewn dillad plaen yn cyflawni’r hyn oedd yn ymddangos fel delio cyffuriau ar Prince of Wales Road. Ar ôl i Meredith geisio rhedeg i ffwrdd, fe wnaeth swyddogion ei ddal a’i arestio ar Greenhill Street, lle'r oedd Meredith yn cuddio y tu ôl i gar.
Ym mis Mawrth, plediodd Meredith yn euog i ymwneud â chyflenwi cocên a bod â chyffur rheoledig o Ddosbarth A yn ei feddiant.
Mae wedi cael ei ddedfrydu i dair blynedd ac wyth mis yn y carchar.
Dywedodd y Rhingyll Luke Tucker:
“Cafodd Kian Meredith ei ddal yn ceisio cyflenwi cyffuriau anghyfreithlon a pheri trallod ar strydoedd Abertawe.
“Pan gafodd ei arestio, canfuwyd bod ganddo £115 mewn arian parod yn ei feddiant, a darganfuwyd lapiad o gocên ar y llawr gerllaw.
“Bydd yn mynd i'r carchar am bron i bedair blynedd – sy’n bris uchel i'w dalu ac yn dangos nad yw delio cyffuriau Dosbarth A yn werth y risg. Bydd ein swyddogion yn eich dal chi a byddwch yn mynd i'r carchar."