Dyn o Mount Pleasant wedi'i garcharu yn dilyn euogfarn am dreisio

Mae dyn o Abertawe wedi cael ei garcharu ar ôl cael ei ganfod yn euog o dreisio. 

Plediodd Yogesh Parmar, 35 oed o Mount Pleasant, yn ddieuog i'r drosedd ond fe'i cafwyd yn euog ar 26 Ionawr. 

Cafwyd Parmar hefyd yn euog o gymryd rhan mewn ymddygiad rheolaethol/gorfodaethol, ar ôl pledio'n ddieuog i'r drosedd hon hefyd. 

Mae wedi cael ei ddedfrydu i 11 mlynedd yn y carchar. 

Dywedodd y Ditectif Gwnstabl Lauren Williams:

“Gwnaeth Yogesh Parmar dreisio ei ddioddefwr a gwneud iddi ofni y byddai'n dreisgar tuag ati ar sawl achlysur. Gwnaeth ymosod arni'n gorfforol, ei hatal rhag gadael ei gartref a bygwth dinistrio ei heiddo. 

“Roedd hyn yn brofiad dychrynllyd i'r dioddefwr, ac rydym yn ei chanmol am ei dewrder wrth gysylltu â ni a rhoi gwybod am droseddau Yogesh Parmar. 

“Rydym yn gobeithio y bydd y rheithfarn a'r ddedfryd hon yn galluogi'r dioddefwr i ddod i delerau â'r hyn a wnaeth Yogesh Parmar iddi, a symud ymlaen â'i bywyd, heb ofni'r hyn y byddai'n ei wneud nesaf.” 

Nid ydym byth yn diystyru pa mor anodd yw hi i oroeswyr cam-drin rhywiol siarad yn agored a rhoi gwybod am ddigwyddiadau o'r fath.  

Ond rydym yn gobeithio y bydd achosion fel hyn yn rhoi sicrwydd y byddwn yn gwrando ar ddioddefwyr, yn eu trin ag urddas a pharch, ac y byddant yn cael eu cefnogi drwy'r broses farnwrol. 

Os ydych chi wedi cael eich cam-drin yn rhywiol, ac nad ydych yn barod i roi gwybod i'r heddlu amdano eto, peidiwch â dioddef yn dawel. Gellir dod o hyd i gyfoeth o wybodaeth a manylion am wasanaethau cymorth yma.