Arestio dyn ar ôl i arfau anghyfreithlon gael eu canfod mewn eiddo yn Abergwynfi
Cynnwys y prif erthygl
Mae dyn wedi cael ei arestio ar ôl i'r heddlu dderbyn adroddiad bod nifer sylweddol o arfau anghyfreithlon wedi'u canfod mewn eiddo yng Nghastell-nedd Port Talbot.
Aeth swyddogion i gyfeiriad yn Stryd Commercial, Abergwynfi, yn dilyn yr adroddiad am oddeutu 9.30pm neithiwr (nos Sul, 15 Chwefror).
Arestiwyd dyn 51 oed o Flaengwynfi ar amheuaeth o geisio creu ffrwydryn gyda'r bwriad o beryglu bywyd neu eiddo.
Mae'r eiddo wedi'i ddynodi'n lleoliad trosedd wrth i chwiliadau gael eu cynnal gyda chymorth amlasiantaethol. Bydd mwy o heddlu i'w gweld yn yr ardal wrth i ymchwiliad fynd rhagddo.
Mae preswylwyr eiddo cyfagos wedi gadael eu cartrefi lle y bo'n bosibl fel rhagofal diogelwch. Mae asiantaethau partneriaeth hyfforddedig yn cefnogi'r broses hon. Cadwch draw o'r ardal er mwyn i'r gwasanaethau brys allu cyrraedd.