Mae dyn o Ferthyr wedi cael ei garcharu yn dilyn ymlid gan yr heddlu yn ystod storm eira

   Carwyn Phillips

Gwelwyd car Carwyn Phillips, 36 oed o Ferthyr Tudful, ar Gylchfan Parc Manwerthu Cyfarthfa gan PC Saunders, a oedd yn adnabod y cerbyd gan fod yr heddlu yn chwilio am Phillips mewn cysylltiad â throsedd nad oedd yn gysylltiedig â'r digwyddiad hwn.

Ddydd Iau 8 Ionawr 2026, pan oedd ar batrôl, rhoddodd PC Saunders arwydd i Phillips stopio, ac fe'i anwybyddodd.

Roedd cyflwr y ffyrdd yn ddifrifol ar yr adeg dan sylw, gyda rhybudd tywydd oren ac roedd y ffyrdd wedi'u gorchuddio ag iâ ac eira.

Yn ystod yr ymlid, stopiodd Phillips am gyfnod byr cyn i ddau deithiwr a oedd yn y sedd gefn adael y cerbyd.

Parhaodd Phillips â'i ymgais i ffoi drwy yrru yn y cyfeiriad anghywir ar yr A470. Oherwydd hyn, penderfynodd PC Saunders gynnal cyswllt tactegol er mwyn stopio'r car.

Daeth y car i stop ar ôl gwrthdaro ag ochr car yr heddlu cyn i Phillips geisio dianc drwy neidio i lawr yr arglawdd ar ochr y ffordd.

Ar ôl cyfnod byr o chwilio, daeth swyddogion o hyd i Phillips yn cuddio mewn llwyn, a gwnaethant ei arestio ar amheuaeth o achosi niwed corfforol difrifol, methu â stopio, gyrru tra roedd wedi'i wahardd a gyrru'n beryglus.

Ar ôl pledio'n euog i'r holl droseddau ddydd Llun 9 Chwefror yn Llys y Goron Caerdydd, cafodd ei ddedfrydu i 14 mis yn y carchar a'i wahardd rhag gyrru am 10 mlynedd a saith mis.

Dywedodd y Cwnstabl Heddlu Ashley Saunders:
"Roedd gyrru peryglus Carwyn yn achosi bygythiad i'r cyhoedd, yr heddlu ac ef ei hun, yn enwedig o feddwl am yr amodau gyrru gwael"

"Dim ond mater o amser oedd hi cyn i'w ddewisiadau ei ddal a chafodd ei arestio"