Ymgyrch Chirk: Dros 30 wedi'u harestio yn Abertawe a Chastell-nedd Port Talbot

Cafodd dros 30 o bobl eu harestio yn ardaloedd Abertawe a Chastell-nedd Port Talbot yr wythnos ddiwethaf fel rhan o ymgyrch plismona dwys.

Mae Ymgyrch Chirk yn cynnwys diwrnodau o weithredu lle caiff unigolion dan amheuaeth a'r rhai sy'n destun apeliadau chwilio eu targedu er mwyn eu rhoi yn y ddalfa.

Ar y diwrnod Ymgyrch Chirk diweddaraf, a gynhaliwyd ddydd Gwener 30 Ionawr, cafodd cyfanswm o 33 o bobl eu harestio.

Roedd y rhain yn cynnwys 14 o arestiadau am droseddau trais domestig, yn ogystal â nifer o unigolion a oedd wedi cael eu galw yn ôl i'r carchar ac eraill a oedd wedi torri amodau eu Gwasanaethau Monitro Electronig.

Cafwyd yr arestiadau canlynol ar y diwrnod:

Townhill – dau arestiad

Castell-nedd – naw arestiad

Port Talbot – saith arestiad

Dinas – deg arestiad

Treforys – tri arestiad

Gorseinon – dau arestiad

Dywedodd y Prif Arolygydd Emma White:

"Mae Ymgyrch Chirk yn dangos pa mor benderfynol ydym i fynd ar drywydd troseddwyr a'u dwyn i gyfrif.

"Rydym wedi gwneud yr arestiadau hyn i gyd yn dilyn ymchwiliadau o'r safon uchaf sy'n ceisio cyflawni'r canlyniadau gorau i ddioddefwyr.

"Rwyf yn ddiolchgar i'r holl gydweithwyr a gymerodd ran am eu gwaith caled yn tynnu'r troseddwyr hyn oddi ar y strydoedd. Mae ardaloedd Abertawe a Chastell-nedd Port Talbot bellach yn llawer mwy diogel o ganlyniad i hyn."