Dros 800 o arestiadau a gostyngiad mewn troseddau yn gyffredinol mewn cymunedau fel rhan o'r Gaeaf o Weithredu

Yn ystod y gaeaf hwn, gwelwyd cynnydd mewn gweithgarwch plismona yn y gymdogaeth yn ein cymunedau i sicrhau eu bod yn teimlo'n ddiogel, fel rhan o'r Gaeaf o Weithredu.

O ganlyniad i ymdrechion gan yr heddlu, mae'r data* yn dangos gostyngiad o 50% mewn achosion o ddwyn beiciau a gostyngiad o 48% mewn achosion o fwrgleriaeth fasnachol o gymharu â'r llynedd. Yn debyg i'r cynnydd yn yr haf, nodwyd ardaloedd allweddol yn ardal yr heddlu fel rhan o'r Gaeaf o Weithredu, sef:

• Y Barri
• Tredelerch:
• Y Rhath:
• Treganna:
• Canol Dinas Caerdydd
• Aberdâr
• Pen-y-bont ar Ogwr
• Merthyr
• Pontypridd
• Canol Dinas Abertawe
• Castell-nedd

Hefyd, gwelwyd gostyngiad o 38% mewn achosion o fwrgleriaethau mewn cartrefi fel rhan o'r Gaeaf o Weithredu, darparodd y Gwnstabliaeth Wirfoddol 600 o oriau, a gwelwyd gostyngiad o 14% mewn achosion o ymddygiad gwrthgymdeithasol. Cafwyd saith Gorchymyn Ymddygiad Troseddol hefyd i atal pobl rhag aildroseddu, fel mynd i rai ardaloedd, â goblygiadau pe baent yn gwneud hynny.

Dywedodd y Prif Arolygydd Tony Williams: "Fel rhan o'r cynnydd hwn mewn gweithgarwch, gwnaethom ganolbwyntio ar faterion allweddol a oedd yn effeithio ar gymunedau a'r busnesau ynddynt yn ystod cyfnod y gaeaf. Diolch i'r ymdrechion hyn, cafodd nifer o ladron eu dwyn i gyfrif a gwnaethant dreulio'r Nadolig dan glo.

"Rwy'n annog preswylwyr a pherchnogion busnesau i ymgysylltu â'u timau lleol, i ddod o hyd i'w swyddog lleol y gallant gysylltu ag ef i fynegi unrhyw bryderon, ac i ddweud eu

dweud. Er bod y 'Gaeaf o Weithredu' wedi dod i ben, nid yw hynny'n golygu y byddwn yn rhoi'r gorau i'n hymdrechion i gadw ein cymunedau'n ddiogel."

Cymharir yr holl ddata â'r un cyfnod y llynedd (1 Rhagfyr 2024 – 30 Ionawr 2025)