Carcharu dyn o Waunarlwydd am gyflenwi cyffuriau Dosbarth A

Mae dyn o Abertawe wedi cael ei garcharu am ymwneud â chyflenwi cyffuriau Dosbarth A.

Cafodd Sean Doyle, 36 oed o Waunarlwydd, ei arestio gan Dîm Plismona yn y Gymdogaeth Gorseinon ar ôl cynnal chwiliad o dan warant yn ei gyfeiriad cartref a'i gerbyd. Atafaelwyd eitemau gan gynnwys cyffuriau (powdr a thabledi) a nifer o ffonau symudol.

Plediodd Doyle yn euog i fod â chrac cocên yn ei feddiant gyda'r bwriad o'i gyflenwi a dau achos o fod â chyffuriau Dosbarth C yn ei feddiant gyda'r bwriad o'u cyflenwi.

Mae wedi cael ei ddedfrydu i dair blynedd yn y carchar.

Dywedodd Goruchwylydd y Tîm Plismona yn y Gymdogaeth, y Rhingyll Molly Llewellyn:

“Roedd Sean Doyle yn dod â chyffuriau a gofid ar strydoedd Waunarlwydd ac Abertawe ehangach.

“Ond, fel llawer o ddelwyr cyffuriau o'i flaen, cafodd ei ddal gan yr heddlu.

“Mae Heddlu De Cymru yn cydnabod yr effaith niweidiol y gall delio mewn cyffuriau ei chael ar ein cymunedau. Mae ein timau plismona yn y gymdogaeth yn ymrwymedig i wrando ar drigolion, mynd i'r afael â'u pryderon, a tharfu ar y sawl sy'n ymwneud â'r gweithgarwch anghyfreithlon hwn.

“Os ydych yn poeni bod hyn yn digwydd yn eich ardal chi, rhowch wybod i ni amdano - gyda'n gilydd, gallwn helpu i gadw ein cymdogaethau'n ddiogel.”