Carcharu dyn o Townhill ar ôl delio cyffuriau Dosbarth A a gyrru tra roedd wedi'i wahardd

Mae dyn o Abertawe wedi cael ei garcharu ar ôl cyfaddef ei fod wedi cyflenwi cocên a chanabis, yn ogystal â gyrru tra roedd wedi'i wahardd.

Gwelodd swyddogion Gavin Jones, 37 oed, o Townhill, yn gyrru cerbyd nad oedd wedi'i gofrestru na'i yswirio iddo yng nghanol dinas Abertawe ar Nos Galan y llynedd.

Cadarnhaodd gwiriadau ar Gyfrifiadur Cenedlaethol yr Heddlu fod Jones wedi'i wahardd rhag gyrru.

Cynhaliwyd archwiliad o gerbyd Jones, ac yn ystod y broses honno dechreuodd negeseuon yn ymwneud â chyflenwi cyffuriau ymddangos ar ei ffôn symudol.

Daethpwyd o hyd i swm o ganabis yng nghyfeiriad Jones, yn ogystal ag arian parod gwerth £1,930 wedi'i guddio mewn hosan.

Pan gafodd ei arestio, roedd gan Jones allwedd i gerbyd arall yn ei feddiant hefyd. Cynhaliodd swyddogion archwiliad o'r cerbyd hwn yn ddiweddarach a daethant o hyd i 12 bag snap yn cynnwys powdwr gwyn y tu mewn i'r consol canolog. Cawsant eu profi a chadarnhawyd eu bod yn cynnwys cocên.

Plediodd Jones yn euog i ymwneud â chyflenwi cocên a chanabis, bod â chocên yn ei feddiant gyda'r bwriad o'i gyflenwi, bod â chanabis yn ei feddiant, bod ag eiddo troseddol yn ei feddiant, gyrru tra roedd wedi'i wahardd a defnyddio cerbyd modur heb yswiriant trydydd parti.

Mae wedi cael ei ddedfrydu i 53 mis yn y carchar.

Dywedodd y Rhingyll Luke Tucker:

"Mae Gavin Jones yn dangos diystyrwch amlwg o'r gyfraith, rhywbeth sydd i'w weld yn glir yn ei daflen gyhuddiadau hir.

"Fodd bynnag, mae nawr yn gwybod bod y gyfraith yn gymwys iddo. Gobeithio y bydd yn difaru ymwneud â chyflenwi cyffuriau Dosbarth A, sydd nawr wedi costio blynyddoedd o'i fywyd."