Treisiwr wedi cael dedfryd o 25 mlynedd o garchar
Cynnwys y prif erthygl
Mae dyn wedi cael ei garcharu am sawl achos o dreisio yn dilyn ymchwiliad dan arweiniad Heddlu De Cymru.
Cafodd Najat Ismail, 53 oed o Grangetown, ei ddedfrydu i 20 mlynedd yn y carchar yn Llys y Goron Caerdydd ar 4 Awst. Cafodd estyniad o bum mlynedd oherwydd difrifoldeb ei droseddau.
Cafodd Ismail ei ddedfrydu yn dilyn dau dreial gwahanol, lle y’i cafwyd yn euog o'r troseddau canlynol:
- Tri chyhuddiad o dreisio (Cyhoeddwyd y rheithfarn ar 20 Ebrill 2026)
- Naw cyhuddiad o dreisio (Cyhoeddwyd y rheithfarn ar 7 Mai 2026)
Mae Ismail hefyd wedi cael ei wneud yn destun gorchymyn atal yn erbyn y ddau ddioddefwr.
Dywedodd y Ditectif Brif Arolygydd Geraint Higgins:
“Mae Ismail yn rheibiwr peryglus, a hoffwn ddiolch i'r dioddefwyr yn yr achosion hyn am eu dewrder a'u cryfder eithriadol wrth roi gwybod i ni am weithredoedd Ismail, ac am ein helpu ni i sicrhau'r rheithfarn heddiw. Gobeithio y bydd y ddedfryd hon yn rhoi rhywfaint o gysur iddynt.”
Nid ydym byth yn diystyru pa mor anodd yw hi i oroeswyr cam-drin rhywiol siarad yn agored a rhoi gwybod am ddigwyddiadau o'r fath.
Ond rydym yn gobeithio y bydd achosion fel hyn yn rhoi sicrwydd y byddwn yn gwrando ar ddioddefwyr, yn eu trin ag urddas a pharch, ac y byddant yn cael eu cefnogi drwy'r broses farnwrol.
Os ydych chi wedi cael eich cam-drin yn rhywiol, ac nad ydych yn barod i roi gwybod i'r heddlu amdano eto, peidiwch â dioddef yn dawel. Ceir cyfoeth o wybodaeth a manylion am wasanaethau cymorth yma.