Gwahardd lleidr beiciau mynych o 17 o fannau ledled Caerdydd

Yn dilyn ei euogfarn ddiweddar o sawl achos o ddwyn beiciau pedal, rhoddwyd dedfryd o 26 wythnos i Ryan Marquardt, 29 oed o Butetown, wedi'i gohirio am 12 mis. Hefyd, cafodd Orchymyn Ymddygiad Troseddol am dair blynedd yn Llys Ynadon Caerdydd ddydd Iau 20 Awst.

Rhaid i Marquardt hefyd gwblhau gofyniad adfer cyffuriau. Gwnaeth Marquardt ddwyn sawl beic gwerth miloedd o bunnoedd ar draws ardal Caerdydd dros gyfnod o chwe mis.

Fel rhan o'r Gorchymyn Ymddygiad Troseddol, rhaid i Marquardt beidio â mynd i mewn i fan storio beiciau ddynodedig, rhesel feiciau, storfa feiciau neu gyfleuster tebyg a ddarperir ar gyfer parcio neu sicrhau beiciau pedal, nac aros yn y lleoedd hynny, yn y lleoliadau canlynol:

Ysgol Gyfun Gymraeg Glantaf

Heol y Bont, Llandaf

Prifysgol Metropolitan Caerdydd, Campws Llandaf

Rhodfa'r Gorllewin

Prifysgol Metropolitan Caerdydd, safle llety Plas Gwyn

Heol Llantrisant

Preswylfeydd Talybont Prifysgol Caerdydd (Gogledd Talybont, De Talybont, Llys Talybont, Porth Talybont)

Trotman Dickenson Place, Excelsior Road, Bevan Place a Heol y Gogledd

Safleoedd Prifysgol Caerdydd (tir gan gynnwys y Ganolfan Ôl-raddedig, Adeilad John Percival, Adeilad Aberconwy a Llyfrgell y Celfyddydau a'r Gwyddorau Cymdeithasol)

Rhodfa Colum

Llety Myfyrwyr Unite (Cambrian Point, Severn Point, Blackweir Lodge)

Heol Maendy, Blackweir Terrace

Preswylfa Neuadd Hodge

Wyeverne Road, Prifysgol De Cymru Campws Trefforest

Ysgol Uwchradd Cathays, Ffordd y Goron

Canolfan Hamdden Maendy, Ffordd y Goron

Ysgol Gyfun Gymraeg Plasmawr, Heol y Watrel

Hefyd, mae'n ofynnol iddo beidio â reidio unrhyw feic neu feic pedal yng nghanol dinas Caerdydd.

Nod Gorchymyn Ymddygiad Troseddol yw atal troseddu ac amddiffyn y gymuned, gweithwyr lleol, ac aelodau'r cyhoedd rhag gofid a tharfu parhaus a niwed posibl.

Mae'r achos hwn yn dangos ein hymrwymiad i fynd i'r afael â dwyn beiciau.

Dylid rhoi gwybod i'r heddlu am unrhyw droseddau a digwyddiadau.

Ceir rhagor o wybodaeth am sut i gadw eich beic yn ddiogel yma: https://www.south-wales.police.uk/cy-GB/cp/cyngor-atal-troseddau/dwyn-cerbyd/pa-mor-ddiogel-yw-eich-beic/