Lleidr cyson wedi'i wahardd o Holton Road a Broad Street yn y Barri

Carcharwyd Matthew Moore yn dilyn ei euogfarn ddiweddar am droseddau dwyn o siopau. Cafodd Orchymyn Ymddygiad Troseddol am dair blynedd yn Llys Ynadon Caerdydd ddydd Llun 3 Awst.

Cyfaddefodd Moore ei fod wedi dwyn nwyddau cartref gwerth £22.40 o One Stop ar Broad Street a chafodd ei garcharu am 16 wythnos.

Dywedwyd wrth y llys fod Moore wedi bod yn gweithredu fel rhan o grŵp sy'n targedu siopau gyda'i gilydd.

Yn rhan o'r Gorchymyn, rhaid i Moore beidio â mynd i Holton Road, Broad Street, Home Bargains, Sainsbury’s nac unrhyw Co-op yn y Barri.

Mae hefyd wedi'i wahardd rhag mynd i mewn i unrhyw siopau yn y Barri a Bro Morgannwg gyda phum unigolyn penodol yn bresennol.

Nod Gorchymyn Ymddygiad Troseddol yw atal troseddu ac amddiffyn y gymuned, gweithwyr lleol, ac aelodau'r cyhoedd rhag gofid a tharfu parhaus a niwed posibl.

Mae Heddlu De Cymru yn gweithio'n agos gyda manwerthwyr a busnesau i'w hamddiffyn rhag troseddau ac ymddygiad gwrthgymdeithasol a gyflawnir gan unigolion fel Matthew Moore.

 Gall dwyn o siopau gael effaith ddinistriol ar weithwyr siop a manwerthwyr.

 Mae'r achos hwn yn dangos ein hymrwymiad i fynd i'r afael â dwyn o siopau a chefnogi'r diwydiant.

 Dylid rhoi gwybod i'r heddlu am ddigwyddiadau ac achosion o dorri gorchmynion.

• Riportiwch ar-lein drwy https://www.south-wales.police.uk/cy-GB/riportio/riportio
• 101

Ffoniwch 999 bob amser mewn argyfwng