Digwyddiad e-feic ar Ffordd Amroth, Caerau, Caerdydd
Cynnwys y prif erthygl
Cafodd Heddlu De Cymru eu galw i adroddiad am wrthdrawiad rhwng cerddwr ac e-feic ar Ffordd Amroth ychydig ar ôl 8:30pm neithiwr.
Roedd y cerddwr dan sylw yn swyddog yr heddlu oedd ar ddyletswydd ar y pryd.
Bu'n cynnal patrolau yn rhan o ymgyrch mewn dillad plaen i ymateb i bryderon ymhlith aelodau o'r gymuned am bobl yn defnyddio beiciau trydan pwerus mewn ffordd anghyfreithlon a gwrthgymdeithasol.
Cafodd y swyddog ei gludo i Ysbyty Athrofaol Cymru yng Nghaerdydd. Yn ffodus, nid yw wedi dioddef anafiadau difrifol.
Mae dyn lleol 25 oed wedi cael ei arestio ar amheuaeth o yrru'n beryglus, gyrru heb drwydded a bod â chanabis yn ei feddiant gyda'r bwriad o'i gyflenwi.
Mae nifer o eitemau wedi cael eu hatafaelu yn rhan o’r ymchwiliad, gan gynnwys bagiau o ganabis, tua £700 mewn arian parod, a beic Sur-Ron.
Mae'r dyn dan amheuaeth yn y ddalfa o hyd, ac mae ymchwiliadau'n parhau.