Marwolaeth Ibrahim Yassin: Dyn wedi'i ddyfarnu'n euog o ddynladdiad

Mae Mujeeb Rahman Hassani, o Butetown, wedi ei gael yn euog o ddynladdiad Ibrahim Yassin heddiw (dydd Iau, 13 Awst). 

Cafodd swyddogion yr heddlu eu galw i adroddiad o ymosodiad difrifol yn Rhodfa Belmont ychydig wedi 9am ddydd Sul 18 Chwefror.

Ymosodwyd ar Mr Yassin, 64 oed, yn ei gartref yn Rhodfa Belmont ac roedd wedi dioddef anafiadau trywanu.

Aeth swyddogion i'r lleoliad a chafodd Hassani, 40 oed, ei ddal gerllaw ar Stryd James.

Fe gafodd ei gyhuddo o lofruddiaeth, ond yn ystod yr achos llys yn Llys y Goron Caerdydd, cafodd y rheithgor gyfarwyddyd ffurfiol i ddyfarnu Hassani yn ddieuog.

Clywodd y llys fod gan y diffynnydd gyfrifoldeb lleiedig adeg y digwyddiad.

Dywedodd y Ditectif Uwch-arolygydd Claire Lamerton, o Dîm Ymchwilio i Droseddau Mawr Heddlu De Cymru: “Roedd Mr Ibrahim Yassin yn dad ymroddedig i’w 11 o blant ac yn cael ei barchu’n fawr yng nghymuned Butetown.

“Wrth reswm, mae ei farwolaeth wedi achosi galar a thrallod aruthrol i'w deulu ac i gymuned glos Butetown.

“Mae ein meddyliau gyda’i deulu a’i ffrindiau, fel y maent wedi bod ers ei farwolaeth drasig, ac rwy’n estyn fy nghydymdeimlad diffuant iddynt.”

Bydd Hassani yn aros yn Ysbyty Ashworth nes ei ddedfrydu ar 16 Hydref.