Carchar i ddyn o Feddau am ddelio crac cocên

Cafodd Levi Hughes, 21 oed o Feddau, ei ddedfrydu i ddwy flynedd ac wyth mis yn y carchar yn dilyn ei euogfarn.

Dedfrydwyd Hughes ddydd Llun 24 Awst yn Llys y Goron Caerdydd lle plediodd yn euog i ymwneud â chyflenwi crac cocên.

Dechreuodd yr achos pan dderbyniodd swyddogion alwad ym mis Mai 2026 gan rywun oedd yn credu bod tŷ yn cael ei ddefnyddio i werthu cyffuriau. Pan gyrhaeddodd swyddogion y tŷ, nid oedd Hughes yno. Yn dilyn ymholiadau arestio, daethpwyd o hyd i Hughes a chafodd ei arestio.

Wrth lawrlwytho’r cynnwys oddi ar ffôn Hughes, gwnaeth swyddogion ganfod cyfres o alwadau a negeseuon a oedd yn ei gysylltu â chyflenwi crac cocên yn y Rhondda rhwng 1 Mai a 22 Mai 2026.

Dywedodd y Cwnstabl Brett O'Hagan: “Mae'r cyffuriau anghyfreithlon hyn yn arwain at ganlyniadau dinistriol i’r bobl ymhellach i lawr y gadwyn sy'n eu defnyddio, heb sôn am eu teuluoedd, eu ffrindiau a'r gymuned yn ehangach.

“Byddwn yn parhau i ymchwilio i unrhyw wybodaeth sydd gennych am werthu neu ddefnyddio'r cyffuriau hyn, a byddwn yn mynd i’r afael â llinellau cyffuriau sy’n gweithredu ar draws yr ardal.”