Gwrthdrawiad Traffig Ffyrdd Angheuol yng Ngorseinon: Cyhuddo dau berson arall o lofruddiaeth
Cynnwys y prif erthygl
Mae dau ddyn arall wedi cael eu cyhuddo mewn cysylltiad â marwolaeth dyn 18 oed yng Ngorseinon ym mis Gorffennaf.
Mae Tyler Ford, 18 oed o Dreforys, wedi cael ei gyhuddo o lofruddio Ceiran Evans, o ardal Gorseinon, yn dilyn gwrthdrawiad angheuol ar 9 Gorffennaf.
Cafodd Ford ei gyhuddo o geisio llofruddio dioddefwr arall yn ystod y digwyddiad ar Heol Pen Cae Crwn hefyd.
Heddiw, mae Elliot Truelove, 33 oed o West Cross, Abertawe, a Liam Thomas, 18 oed o Dreforys, Abertawe, hefyd wedi cael eu cyhuddo o lofruddio ac ymgais i lofruddio.
Dywedodd y Ditectif Brif Arolygydd Danielle Thorne, o'r Tîm Ymchwilio i Droseddau Mawr:
"Mae hwn wedi bod yn ymchwiliad cymhleth i ddigwyddiad sydd wedi bod yn hynod o drawmatig i deulu Ceiran Evans a'r gymuned ehangach yng Ngorseinon.
"Mae'r cyhuddiadau ychwanegol hyn yn gam sylweddol arall wrth i ni weithio i ddeall yr amgylchiadau ddaru arwain at farwolaeth Ceiran. Hoffwn ddiolch i'r gymuned leol unwaith eto am gynorthwyo'r ymchwiliad."