Cyhuddo pedwerydd person yn dilyn gwrthdrawiad traffig ffyrdd angheuol yng Ngorseinon

Mae pedwerydd person wedi cael ei gyhuddo mewn cysylltiad â marwolaeth bachgen yn ei arddegau yn dilyn gwrthdrawiad traffig ffyrdd yng Ngorseinon ym mis Gorffennaf.

Cafodd Trisha Thomas, 36 oed o ardal Gorseinon, ei harestio ar amheuaeth o gynorthwyo troseddwr fore Mercher (19 Awst) ac mae bellach wedi cael ei chyhuddo o'r drosedd. 

Cafodd Tyler Ford, 18 oed o Dreforys, ei gyhuddo o lofruddio Ceiran Evans, o Orseinon, a cheisio llofruddio dioddefwr arall, yn dilyn gwrthdrawiad ffyrdd angheuol ar 9 Gorffennaf.

Cafodd Elliot Truelove, 33 oed o West Cross, Abertawe, a Liam Thomas, 18 oed o Dreforys yn Abertawe, eu cyhuddo yn ddiweddarach o lofruddiaeth a cheisio llofruddio mewn cysylltiad â'r digwyddiad hefyd.

Bydd Ford, Thomas a Truelove yn ymddangos gerbron Llys y Goron Abertawe ar 29 Medi.