Carcharu dyn o Waun Cae Gurwen ar ôl iddo anfon delweddau rhywiol at berson ifanc

Mae dyn o Gastell-nedd Port Talbot wedi cael ei garcharu ar ôl anfon negeseuon rhywiol at rywun yr oedd e'n credu ei bod hi'n blentyn.

Gwnaeth Ashley John, 26 oed, o Waun Cae Gurwen, ddefnyddio Snapchat i gymryd rhan mewn sgwrs â phroffil yr oedd e'n credu ei fod yn perthyn i ferch 12 oed ym mis Hydref 2024. Yn ei negeseuon, honnodd John ei fod yn ffermwr defaid 17 oed o dde Cymru ac aeth ymlaen i gymryd rhan mewn cyfathrebu rhywiol, gan gynnwys anfon delweddau rhywiol ohono'i hun a gofyn am ddelweddau anweddus o'r plentyn.

I ddechrau, plediodd yn ddieuog i'r troseddau o geisio cymryd rhan mewn cyfathrebu rhywiol â phlentyn, ceisio achosi/annog merch dan 13 oed i gymryd rhan mewn gweithgarwch rhywiol a cheisio achosi plentyn dan 13 oed i edrych ar ddelwedd o weithgarwch rhywiol, ond ar 6 Gorffennaf gwnaeth John newid ei ble i'r tair trosedd i euog.

Mae John wedi cael ei garcharu am dair blynedd a deg mis.

Dywedodd y Ditectif Arolygydd Hannah Millership:

"Mae'r ddedfryd hon yn adlewyrchu'r risg ddifrifol i blant, eu diogelwch a'u lles yn sgîl cyfathrebu rhywiol.

"Byddwn yn parhau i fynd ar drywydd y rheini sy'n ceisio camfanteisio ar blant ar-lein ac i gymryd camau i amddiffyn pobl ifanc sy'n agored i niwed."