Mae Heddlu De Cymru yn parhau i ymchwilio i fwrgleriaeth yn Amgueddfa Werin Cymru Sain Ffagan, Caerdydd

Mae Heddlu De Cymru yn parhau i ymchwilio i fwrgleriaeth yn Amgueddfa Werin Cymru Sain Ffagan, Caerdydd.

Mae Gavin Burnett, 43 oed, a Darren Burnett, 50 oed o Northampton, wedi cael eu cyhuddo o fwrgleriaeth ac maent yn parhau i fod yn y ddalfa.

Cafodd eitemau o emwaith aur o'r Oes Efydd, eu dwyn o gwpwrdd arddangos ym mhrif adeilad yr amgueddfa am tua 12.30am ddydd Llyn, 6 Hydref.

Mae'r ymchwiliad yn parhau i olrhain a dod o hyd i'r eitemau a gafodd eu dwyn.

Mae'r eitemau hyn yn cynnwys:

• Casgliad o bedair breichled aur o Ganol yr Oes Efydd o Lanwrthwl, Powys.
• Casgliad o bum eitem aur o Ganol yr Oes Efydd o Gapel Isaf, Sir Gaerfyrddin.
• Casgliad o dair eitem aur o Ganol yr Oes Efydd o Landdewi-yn-heiob, Powys.
• Lanwla aur o Ddechrau'r Oes Efydd o Lanllyfni, Gwynedd.

Dywedodd y Ditectif Arolygydd Bob Chambers, o Heddlu De Cymru:

"Er bod dau ddyn wedi cael eu cyhuddo, mae'r ymchwiliad yn parhau.
"Rydym yn canolbwyntio ar ddod o hyd i'r eitemau a gafodd eu dwyn er mwyn eu dychwelyd i'w cartref cywir.
"Rydym yn erfyn ar unrhyw un sydd â gwybodaeth i gysylltu â ni cyn gynted â phosibl.”

Dywedodd Jane Richardson, Prif Weithredwr Amgueddfa Gymru:

"Hoffem ddiolch i'r heddlu am ei ymchwiliad parhaus i ddod o hyd i'r eitemau gwerthfawr ac unigryw hyn sy'n rhan o hanes, treftadaeth a diwylliant Cymru.
"Hoffwn annog unrhyw un a all fod ag unrhyw wybodaeth am eu lleoliad i roi gwybod i'r heddlu er mwyn eu dychwelyd i'w cartref cywir gyda chasgliad cenedlaethol Cymru er mwyn i bawb eu gweld a'u mwynhau."

Mae menyw 45 oed o Swydd Northampton a gafodd ei harestio fel rhan o'r ymchwiliad yn parhau ar fechnïaeth.

Gofynnir i unrhyw un sydd â gwybodaeth gysylltu â Heddlu De Cymru gan ddyfynnu 2500319180:

• Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/
• Ffoniwch 101 neu Crimestoppers yn ddienw ar 0800 555 111.
• Ffoniwch 999 bob amser mewn argyfwng.