Dyn o Gaerdydd wedi'i garcharu ar ôl bwrgleriaeth a dwyn car

Mae dyn wedi cael ei garcharu ar ôl mynd i mewn i dŷ a dwyn car, yn dilyn ymchwiliad gan Heddlu De Cymru. 

Plediodd Callum Tannetta, 25 oed, o Adamsdown yn euog i fwrgleriaeth a dwyn cerbyd modur pan ymddangosodd gerbron Llys y Goron Caerdydd am y tro cyntaf ddydd Gwener 17 Hydref a chafodd ei ddedfrydu yn yr un llys heddiw (12 Tachwedd) i dair blynedd yn y carchar.

Canfu'r ymchwiliad fod Tannetta, ar 25 Chwefror, 2025 wedi mynd i mewn i dŷ a chymryd dau gonsol gemau, cyfrifiadur a dwyn car. Yn dilyn y bwrgleriaeth, cafodd swyddogion eu galw, a chafodd Tannetta ei adnabod ar ôl i dystiolaeth fforensig ei gysylltu â'r lleolilad.

Dywedodd Ditectif Gwnstabl Evans "Rydym yn croesawu hyd y ddedfryd i Tannetta yn dilyn ei fwrgleriaeth yn gynharach eleni.

"Byddai gwybod bod pobl ddieithr wedi mynd i mewn i'ch cartref yn eithriadol o anodd i unrhyw un.

"Gwnaethom weithio'n ddiflino i sicrhau'r canlyniad gorau posibl, ac rydym yn gobeithio y gall y dioddefwyr deimlo rhywfaint o dawelwch meddwl nawr bod cyfiawnder wedi'i wneud.”