Carcharu treisiwr yn dilyn ymchwiliad gan Heddlu De Cymru

Mae dyn o Abertawe wedi cael ei garcharu ar ôl cyflawni troseddau rhyw yn erbyn plant.

Cyflawnodd Mohammed Raihan, 22 oed o ganol dinas Abertawe, nifer o droseddau rhywiol yn erbyn dioddefwr yn ei harddegau ym mis Gorffennaf 2024.

Yn ddiweddarach, cysylltodd Raihan â'r dioddefwr i'w bygwth i roi gorau i'r achos a'i chwyn yn ei erbyn.

Plediodd Raihan yn ddieuog i bob cyhuddiad ond ar 30 Mehefin fe'i cafwyd yn euog o'r canlynol:

• dau achos o dreisio merch 13 / 14 / 15 oed
• un achos o ymosodiad rhywiol ar fenyw
• un achos o fygwth tyst / aelod o'r rheithgor
• un achos o greu ffotograff/ffotograff ffug anweddus o blentyn (cat A)
• un achos o greu ffotograff/ffotograff ffug anweddus o blentyn (cat B)
• un achos o greu ffotograff/ffotograff ffug anweddus o blentyn (cat C)

Cafodd ei gadw yn y ddalfa ac ar Tachwedd 4, cafodd ei ddedfrydu yn Llys y Goron Abertawe i 15 o flynyddoedd yn y carchar.

Dywedodd y Ditectif Gwnstabl Mark Wells: “Ar yr adeg hon, mae'n bwysig cydnabod dewrder y dioddefwr ifanc yn yr ymchwiliad hwn. Rwy'n gobeithio y bydd yn gallu symud ymlaen mewn ffordd gadarnhaol a chael rhyw fath o gysur.

“Roedd yr ymchwiliad hwn yn un cymhleth a hir, a hoffwn ddiolch i'r tîm amrywiol o ymchwilwyr a ditectifs sydd wedi rhoi o'u hamser i symud yr ymchwiliad yn ei flaen. Mae'n bwysig hefyd cydnabod gwaith caled asiantaethau partner wrth iddynt gefnogi'r dioddefwr ifanc drwy gydol y broses.

“Yn ystod ei dreial, ni ddangosodd Mohammed Raihan unrhyw edifeirwch ond gwnaeth gydnabod bod y dioddefwr yn agored i niwed. Mae'n anodd amgyffred wedyn ei fod wedi mynd ati i gymryd mantais o hyn yn y ffordd waethaf posibl.

“Os byddwch yn dioddef y math hwn o drosedd, rydym yn eich annog i roi gwybod i'r heddlu cyn gynted â phosibl. Byddwch yn cael eich cefnogi a bydd swyddogion yn trin pob achos gyda sensitifrwydd a phroffesiynoldeb.”