Ar 12 Rhagfyr, roedd 2,300 o brofion gyrru dan ddylanwad alcohol a chyffuriau wedi'u cynnal gan ein Huned Plismona'r Ffyrdd.
Cynnwys y prif erthygl
Lansiwyd ymgyrch Heddlu De Cymru i fynd i'r afael ag achosion o yrru dan ddylanwad alcohol a chyffuriau ar 1 Rhagfyr, a bydd yn para tan fis Ionawr.
Lansiwyd ymgyrch Heddlu De Cymru i fynd i'r afael ag achosion o yrru dan ddylanwad alcohol a chyffuriau ar 1 Rhagfyr, a bydd yn para tan fis Ionawr.
Hyd yma, mewn ychydig llai na phythefnos, mae swyddogion wedi cynnal dros 2,300 o brofion gyrru dan ddylanwad alcohol a chyffuriau.
O blith y profion hynny hyd yma, mae 70 wedi bod yn bositif.
Mae ein Huned Plismona'r Ffyrdd wedi gosod mannau profi ac mae'n cynnal patrolau rheolaidd mewn cerbydau wedi'u marcio a heb eu marcio – gan weithredu ar wybodaeth a gafwyd i dargedu troseddwyr.
Dywedodd Michael Prickett, Arolygydd Plismona'r Ffyrdd: “Mae gyrru dan ddylanwad alcohol neu gyffuriau yn beryglus iawn a gall effeithio ar allu rhywun i yrru mewn sawl ffordd. Gall gyrru dan ddylanwad alcohol neu gyffuriau ladd.
“Os canfyddir eich bod yn gyrru dan ddylanwad alcohol neu gyffuriau, gallech gael cofnod troseddol yn ogystal â dedfryd o hyd at chwe mis yn y carchar, dirwy ddiderfyn, a chael eich gwahardd yn awtomatig rhag gyrru am flwyddyn o leiaf. Mae'r neges yn syml – peidiwch â gyrru dan ddylanwad alcohol na chyffuriau”.