Mwy o e-feiciau anghyfreithlon yn cael eu cymryd oddi ar y ffyrdd diolch i ymgyrch ar y cyd arall â Chyngor Caerdydd

Mae 24 o e-feiciau ac e-sgwteri anghyfreithlon wedi cael eu cymryd oddi ar y ffyrdd diolch i ymgyrch arall ar y cyd â Chyngor Caerdydd.

Mae hyn yn golygu bod mwy na 200 o e-feiciau ac e-sgwteri wedi cael eu hatafaelu ers yr haf.

Gweithiodd swyddogion a staff y cyngor â'i gilydd ddydd Sul (30 Tachwedd) i barhau i fynd i'r afael â phryderon y gymuned am gerbydau wedi'u gyrru'n fecanyddol (MPVs), y cyfeirir atynt hefyd fel e-feiciau ac e-sgwteri anghyfreithlon.

Cafodd 24 o MPVs eu hatafaelu a chafodd pedwar unigolyn ei arestio.

Ceisiodd dyn redeg i ffwrdd ar ôl cael ei stopio yn gyrru MPV ar Lamby Way. Cafodd dyn 62 oed o Trowbridge ei arestio ar amheuaeth o fod â chrac cocên yn ei feddiant gyda'r bwriad o'i gyflenwi.

Canolbwyntiwyd hefyd ar City Road a Heol Albany, yn ogystal â Lamby Way.

Dywedodd yr Arolygydd Tim Ursell, o Heddlu De Cymru: “Mae defnyddio e-feiciau ac e-sgwteri yn anghyfreithlon ac yn peri risg ddifrifol i gerddwyr a defnyddwyr y ffordd.

“Mae'r effaith y mae reidwyr e-feiciau gwrthgymdeithasol yn ei chael ar gymunedau yn cael ei chodi fel pryder yn aml.

“Rydym yn annog y cyhoedd i ddeall y gyfraith a gwneud dewisiadau diogel a chyfreithlon.”

#GweithreduDrosYGaeaf | Y Nadolig hwn, rydym yn rhoi sylw i waith ein Timau Plismona yn y Gymdogaeth a fydd yn gweithio'n galed i'ch cadw chi'n ddiogel a dwyn troseddwyr i gyfrif.