Bwrgler cyson wedi'i garcharu am dros ddwy flynedd am ddeuddeg o droseddau
Cynnwys y prif erthygl
Yn dilyn ymchwiliad gan Heddlu De Cymru, mae bwrgler cyson wedi cael ei garcharu am ddwy flynedd a phedwar mis.
Plediodd Liam Oliver, 40 oed, o Gaerdydd, yn euog i'r canlynol:
- Wyth achos o Fwrgleriaeth heblaw mewn annedd – lladrata
Dau achos o Fwrgleriaeth heblaw mewn annedd gyda'r bwriad o ddwyn
Dau achos o Ymgais i gyflawni bwrgleriaeth gyda'r bwriad o ddwyn
Cafodd ei ddedfrydu yn Llys y Goron Caerdydd ar 17 Rhagfyr.
Rhwng mis Hydref 2024 a mis Gorffennaf 2025, gwnaeth Oliver ddwyn arian ac alcohol, gwerth dros £3,000, o wyth busnes ar hyd Heol Ddwyreiniol y Bont-faen, Heol Orllewinol y Bont-faen, Wilson Road, Pen-Y-Lan Road a Ffordd Llandaf.
Dywedodd y swyddog ymchwilio, y Ditectif Gwnstabl Sophie Pogson-Davis: "Roedd Oliver yn dwyn o fusnesau lleol er mwyn ariannu ei ffordd o fyw ei hun ac rwy'n falch o weld y ddedfryd heddiw.
"Rydym yn gwybod pa mor bwysig yw hi fod busnesau yn ein cymuned yn gallu gweithredu heb ofn na phryder – gobeithio y bydd y canlyniad hwn yn eu helpu i symud ymlaen."