Apêl a diweddariad pellach gan yr heddlu yn dilyn marwolaeth wedi ymosodiad

Diweddariad: Mae'r dyn 51 oed a gafodd ei arestio mewn cysylltiad â'r achos wedi cael ei ryddhau ar fechnïaeth wrth i ymholiadau pellach fynd rhagddynt.  

***

Gallwn gadarnhau bod dioddefwr ymosodiad yn Cathays, Caerdydd wedi marw yn yr ysbyty.

Cafodd yr heddlu eu galw i adroddiad am ymosodiad ar Stryd Pentyrch tua 6.15pm nos Iau, 22 Rhagfyr.

Bu farw'r dioddefwr, Colm Marcus Boston, 37 oed o'r Mynydd Bychan ddoe (26 Rhagfyr) yn Ysbyty Athrofaol Cymru, Caerdydd. Mae ei deulu yn cael ei gefnogi gan Swyddog Cyswllt Teuluol.

Mae tri dyn wedi cael eu harestio fel rhan o'r ymchwiliad:

Mae dyn 51 oed o Fynachdy yn y ddalfa o hyd.

Mae dyn 47 oed o Adamsdown a dyn 60 oed o Cathays wedi'u rhyddhau ar fechnïaeth wrth i ymholiadau pellach fynd rhagddynt.

Dywedodd Dirprwy Uwch-swyddog yr Ymchwiliad, y Ditectif Arolygydd Lauren Wells o Heddlu De Cymru: “Rydym yn cydymdeimlo'n ddiffuant â theulu a ffrindiau Colm wrth iddynt ddod i delerau â'u colled drasig.

“Hoffwn ddiolch i'r gymuned am y cymorth maent wedi'i ddarparu i'r ymchwiliad hwn hyd yma ac yn parhau i annog unrhyw sydd â gwybodaeth ac sydd heb siarad â swyddogion eto i ddod gerbron.”

Mae'r swyddogion yn awyddus i gael deunydd fideo teledu cylch cyfyng a chamera dashfwrdd o Heol Maendy, Stryd Pentyrch, Heol yr Eglwys Newydd a Theras Cathays, rhwng 4pm a 6.30pm brynhawn dydd Llun, 22 Rhagfyr. Gellir cyflwyno deunydd fideo a gwybodaeth ar-lein https://mipp.police.uk/operation/62SWP25C25-PO1

Fel arall, cysylltwch â Heddlu De Cymru gan ddyfynnu 2500404113. Cysylltwch â ni ar-lein drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/

101 neu Crimestoppers yn ddienw ar 0800 555 111.

Ffoniwch 999 bob amser mewn argyfwng.