Bwrgler o Gaerdydd wedi dwyn cardiau banc a phrynu pryd Indiaidd mewn bwyty lleol

Llun dalfa'r heddlu o Mark Burnell.

Mae dyn o Gaerdydd a aeth ar sbri fwrgleriaethau yng ngogledd Caerdydd cyn iddo gael ei weld gan swyddogion ar batrôl wedi cael ei garcharu.

Cafodd Mark Burnell ei arestio gan swyddogion ar 6 Ionawr, 2025. Gwnaeth y swyddogion ei weld yn chwilota drwy fag plastig ar Gillian Road. Roeddent wedi penderfynu gyrru drwy'r ardal ar ôl gweld llun o Burnell yn cael ei rannu gan rywun ar Facebook – roedd Burnell wedi cael ei ddal ar gamera teledu cylch cyfyng tŷ yr oedd newydd geisio torri mewn iddo yn Highfields, Llandaf. Yn y fideo, gellir ei weld yn mynd at y drws ffrynt, cyn dychryn ar ôl sylweddoli bod y preswylydd gartref, a throi rownd ac esgus ei fod wedi mynd i'r tŷ anghywir.
Cafodd Burnell ei arestio yn dilyn cyfres o droseddau dros naw diwrnod. Ers 29 Rhagfyr, roedd wedi cyflawni tair bwrgleriaeth, wedi ceisio cyflawni tair bwrgleriaeth arall ac roedd wyth achos o dwyll yn ei erbyn am ddefnyddio cardiau banc yr oedd wedi'u dwyn i brynu amrywiaeth o eitemau fel persawr, colur a photel o wisgi a phryd o fwyd mewn bwyty Indiaidd lleol. Cafodd ei droseddau eu cyflawni yn ardal yr Eglwys Newydd, Rhiwbeina a Llandaf.

Prynodd werth cannoedd o bunnoedd o nwyddau gan ddefnyddio cardiau banc yr oedd wedi'u dwyn a gwnaeth ddwyn eitemau personol, yr oedd gan rai ohonynt werth personol arbennig, fel llun o ŵr diweddar un o'i ddioddefwyr, na ddaethpwyd o hyd iddo wedyn.

Plediodd Burnell yn euog i dri achos o fwrgleriaeth, tri achos o geisio cyflawni bwrgleriaeth a sawl achos o dwyll drwy ymhoniad anwir. Ymddangosodd gerbron Llys y Goron Caerdydd ddydd Mawrth 17 Mehefin lle cafodd ei garcharu am bedair blynedd.

GWYLIWCH Mark Burnell yn mynd i fwyty Indiaidd gan ddefnyddio cardiau banc wedi'u dwyn.