Achos o saethu ym Mhontprennau Caerdydd.

Cafodd Heddlu De Cymru alwad am tua 8pm ddydd Sadwrn, 7 Mehefin, yn rhoi gwybod am achos o saethu ym Mhontprennau, Caerdydd.

Aeth swyddogion i dŷ yng Nghlos y Ffynnon a chafodd bachgen 15 oed ei gludo i'r ysbyty.

Yn ffodus, nid yw ei anafiadau'n peryglu ei fywyd.

Dywedodd y Ditectif Uwch-arolygydd Mark O'Shea, o Heddlu De Cymru: "Rydym yn deall y pryder y bydd y digwyddiad hwn yn ei achosi, a hoffwn roi sicrwydd i'r gymuned leol fod timau o dditectifs a staff arbenigol yn gweithio'n ddiwyd i greu darlun cyflawn o ddigwyddiadau nos Sadwrn."

Mae ymholiadau helaeth yn parhau, a bydd presenoldeb yr heddlu yn amlwg yn yr ardal wrth i swyddogion barhau â'r ymchwiliad.

Gellir cyflwyno gwybodaeth a deunydd fideo ar-lein yma:

https://mipp.police.uk/operation/62SWP25C11-PO1

Fel arall, gall unrhyw un sydd â gwybodaeth hefyd gysylltu â Heddlu De Cymru gan ddyfynnu 2500180055.
🗪 Sgwrs Fyw https://www.south-wales.police.uk/cy-GB/
💻Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/ 
📞 101

Ffoniwch 999 bob amser mewn argyfwng.