Mae dyn o Gastell-nedd wedi cael ei garcharu ar ôl cyflawni ymosodiadau rhywiol ar blentyn.

Ymosododd Dean Bradley, 36 oed o Gastell-nedd yn rhywiol ar ei ddioddefwr dros gyfnod o flwyddyn. Cafodd y dioddefwr y nerth i ddatgelu'r cam-drin erchyll i aelod o'r teulu ar ddiwedd y llynedd.

Ar ôl newid ei ble o ddieuog i euog, cafwyd Bradley yn euog o dri achos o ymosod ar blentyn o dan 13 oed drwy dreiddio, a thri achos o achosi i blentyn o dan 13 oed wylio/edrych ar lun o weithgarwch rhywiol.

Cafodd Bradley ei ddedfrydu ddydd Llun 23 Mehefin 2025 yn Llys y Goron Abertawe i 12 mlynedd ac 8 mis yn y carchar, a bydd ar y gofrestr troseddwyr rhyw am oes. Bydd hefyd yn destun Gorchymyn Atal Niwed Rhywiol ac yn destun Gorchymyn Atal.

Dywedodd y Ditectif Gwnstabl James Carver: “Cyflawnodd Dean Bradley ymosodiad erchyll ar blentyn diamddiffyn.

Rydym yn canmol dewrder y dioddefwr i godi ei lais, ar ôl byw gyda'r profiad ofnadwy hwn. Rydym yn gobeithio na fydd yn rhaid iddo ofni Dean Bradley mwyach.”