Dyn o Abertawe wedi'i garcharu ar ôl ymosod ar ei fab ei hun
Cynnwys y prif erthygl
Mae dyn wedi cael ei garcharu ar ôl cnoi ei fab, sy'n oedolyn, a'i daro gyda'i ffon gerdded yn dilyn pryd o fwyd gyda'i deulu.
Cyflawnodd Anthony O'Connell, 58 oed, heb gartref sefydlog, y drosedd ym mis Mai 2024. Ychydig wythnosau yn ddiweddarach, cyflawnodd drosedd arall, sef achos o ladrad, a chafodd ddedfryd estynedig o saith mlynedd am y drosedd honno.
Ar ôl pledio'n euog i achosi niwed corfforol gwirioneddol i'w fab, mae bellach wedi cael ei ddedfrydu i ddwy flynedd a phedwar mis yn y carchar, i gyd-redeg â'i ddedfryd estynedig.
Dywedodd y Rhingyll Kelly Richards:
“Roedd Anthony O'Connell yn droseddwr mynych a bydd hynny wedi bod yn arbennig o drawmatig i'w deulu.
“Mae'r ffaith bod yr achos hwn wedi digwydd pan oedd plant y dioddefwr – sef wyrion Anthony O'Connell – yn bresennol, yn ei wneud yn fwy annerbyniol byth.
“Bydd anafiadau'r dioddefwr wedi bod yn gorfforol ac yn emosiynol. Rydym yn gobeithio y bydd yn gallu gwella ym mhob ffordd yn dilyn gweithredoedd Anthony O'Connell.”