Carcharu dyn o Abertawe am sbri o droseddau gyrru
Cynnwys y prif erthygl
Mae dyn o Abertawe wedi cael ei garcharu ar ôl iddo gyflawni amrywiaeth o droseddau moduro.
Cyflawnodd James Osmond, sy'n 25 oed o Gwmdu, nifer o droseddau yn ardal Abertawe rhwng 13 a 30 o Ionawr eleni. Roedd y troseddau yn cynnwys tri achos o yrru'n beryglus ac un achos o ddefnyddio cerbyd modur heb yswiriant trydydd parti.
Ar ôl pledio'n ddieuog i ddechrau i droseddau gyrru'n beryglus, newidiodd Osmond ei ble i euog ym mis Mehefin.
Mae wedi cael ei ddedfrydu i dair blynedd yn y carchar ac wedi cael ei wahardd rhag dal neu gael trwydded yrru am bedair blynedd a chwe mis.
Dywedodd Cwnstabl yr Heddlu Ceriann Howell:
"Yn anffodus mae James Osmond yn unigolyn sy'n credu nad yw cyfreithiau'r ffyrdd yn berthnasol iddo.
"Roedd yn gyrru mewn ffordd oedd yn beryglus i ddefnyddwyr eraill y ffyrdd a gallai fod wedi arwain at anaf difrifol i'w hun neu i eraill.
"Mae ei gyfnod yn y carchar a'r ffaith ei fod wedi colli ei drwydded yrru, yn golygu bod y ffyrdd nawr yn fwy diogel hebddo."