Mae dyn wedi cael ei garcharu am ddwyn o siop yn y Barri
Cynnwys y prif erthygl
Cafodd swyddogion yr heddlu eu galw i adroddiad bod siopleidr â chyllell wedi cam-drin staff Sainsbury's yn hiliol a'u bygwth.
Roedd yr unigolyn dan amheuaeth wedi bygwth a cham-drin aelod o staff wrth geisio gadael y siop ar Park Crescent heb dalu am nwyddau.
Chwiliodd swyddogion ymateb yr ardal gan ddod o hyd i Gerard Clogg, a oedd yn cyfateb i'r disgrifiad o'r unigolyn dan amheuaeth, yn gyflym ar Claude Road.
Roedd un o sanau Clogg yn llawn gwydr wedi torri. Daethpwyd o hyd i fag â chig, caws, a gwin ynddo â gwerth o tua £27 yn agos i'r ardal lle y cafodd ei arestio.
Cafodd y dyn 54 oed o'r Barri ei gyhuddo, ei gadw yn y ddalfa a'i ganfod yn euog o ladrata a bod â chyllell yn ei feddiant.
Cyfaddefodd hefyd i drosedd trefn gyhoeddus hiliol ac o fod ag arf ymosodol yn ei feddiant, sef yr hosan a oedd wedi'i llenwi â gwydr.
Digwyddodd hyn tua 9pm ddydd Sul, 19 Ionawr.
Cafodd Clogg ei ddedfrydu yn Llys y Goron Casnewydd ddydd Gwener, 29 Awst i bum mlynedd a thri mis yn y carchar.
Dywedodd y Rhingyll Matthew Fairweather: “Gall dwyn o siopau gael effaith ddinistriol ar weithwyr siopau, ac ni ddylai neb orfod wynebu casineb hiliol na thrais wrth weithio.
“Mae ymateb cyflym y tîm a dewrder a chydweithrediad y dioddefwr, a'i gydweithwyr, wedi sicrhau bod troseddwr peryglus wedi cael ei garcharu am gyfnod sylweddol.”