Gorchmynion gwahardd pêl-droed i dri o gefnogwyr Plymouth a gafodd eu dal gyda chocên yn Stadiwm Dinas Caerdydd
Cynnwys y prif erthygl
Mae dau ddyn o Plymouth ac un o Ivybridge wedi cael gorchmynion gwahardd pêl-droed sy'n eu hatal rhag mynd i unrhyw gêm bêl-droed yn y DU am dair blynedd.
Roedd y tri dyn yn gefnogwyr Plymouth a aeth i'r gêm ddydd Sadwrn 30 Awst 2025. Rhoddodd un o'u cyd-gefnogwyr wybod i stiwardiaid eu bod yn ffroeni cocên yn agored wrth sefyll yng nghanol cefnogwyr eraill Plymouth yn yr ardal 'oddi cartref'.
Pan gawsant eu chwilio, darganfuwyd bod gan y tri ohonynt gocên, cyffur dosbarth A a reolir, yn eu meddiant. Roedd gan Carson Gardner o Plymouth ganabis yn ei feddiant hefyd. Cyfaddefodd y tri i'r tramgwydd o fod â'r cyffur yn eu meddiant mewn cyfweliad.
Roedd Ronnie Rice o Plymouth a Daniel Logan o Ivybridge hefyd yn rhan o hyn, y mae'r tri yn 21 oed.
Cafodd Carson Gardner orchymyn gwahardd pêl-droed am dair blynedd a dirwy £133.00, yn ogystal â chostau gwerth £85.
Cafodd Ronnie Rice orchymyn gwahardd pêl-droed am dair blynedd a dirwy £133.00, yn ogystal â chostau gwerth £85.
Cafodd Daniel Logan orchymyn gwahardd pêl-droed am dair blynedd a dirwy £253.00, yn ogystal â chostau gwerth £85.
Ychwanegwyd y drosedd o feddu ar gyffuriau dosbarth A fel trosedd Atodlen 1 o dan ddeddfwriaeth pêl-droed yn 2022, o ganlyniad i gynnydd yn y defnydd ohonynt a phroblemau cysylltiedig mewn gemau pêl-droed.
Bydd y gorchmynion gwahardd yn atal y tri rhag mynd i gemau yn y DU am dair blynedd, a bydd yn rhaid iddynt hefyd ildio eu pasbortau ar adegau pan fydd Lloegr yn chwarae dramor.
Dywedodd yr Uwch-arolygydd Emma Fox: “Pan fydd tystiolaeth o droseddau sy'n gysylltiedig â phêl-droed, byddwn yn ceisio dod o hyd i'r rhai sy'n gyfrifol er mwyn sicrhau y caiff camau priodol eu cymryd.
"Mae cyffuriau yn bla ar ein cymunedau ac ni fyddwn yn goddef achosion o'u defnyddio, gan gynnwys mewn gemau pêl-droed a digwyddiadau eraill.
"Mae'r mwyafrif helaeth o gefnogwyr pêl-droed yn ymddwyn yn barchus – unigolion fel hyn sy'n rhoi enw drwg i gefnogwyr pêl-droed a'u clybiau. Nid oes lle iddo."