Carcharu dyn o Butetown am 18 mlynedd am droseddau rhywiol yn erbyn plant

Mae dyn o Butetown wedi'i ddedfrydu i 18 mlynedd yn y carchar am droseddau rhywiol yn erbyn plant.

Gwadodd Liton Ahmed, 47 oed, chwe achos o ymosod ar ferch drwy gyffwrdd ac un achos o geisio ymosod yn rhywiol ar ferch drwy gyffwrdd.

Ond, fe'i cafwyd yn euog yn dilyn treial yn Llys y Goron Caerdydd fis Ebrill 2025.

Cafodd Ahmed ei ddedfrydu yn Llys y Goron Merthyr Tudful ar 26 Awst, 2025, i 18 mlynedd yn y carchar.

Dywedodd y swyddog a fu'n ymwneud â'r achos, y Ditectif Gwnstabl Steven Taylor:  "Hoffwn ganmol y dioddefwyr am eu dewrder yn dod atom - diolch i'r wybodaeth a gyflwynwyd ganddynt a'u cymorth, rydym wedi cael cyfiawnder.

"Mae wedi bod yn gyfnod trawmatig i bawb dan sylw ac rwy'n gobeithio y bydd y canlyniad yn y llys yn dod â rhywfaint o gysur i'r dioddefwyr a'u teuluoedd, y maent yn ei haeddu.”

Mae Ahmed hefyd wedi'i gynnwys ar y Gofrestr Troseddwyr Rhyw am gyfnod amhenodol, ac mae'n destun Gorchymyn Atal Niwed Rhywiol a Gorchymyn Atal mewn perthynas â'r dioddefwyr nes bydd hysbysiad pellach.

Nid ydym byth yn diystyru pa mor anodd yw hi i oroeswyr cam-drin rhywiol siarad yn agored a rhoi gwybod am ddigwyddiadau o'r fath.

Ond rydym yn gobeithio y bydd achosion fel hyn yn rhoi sicrwydd y byddwn yn gwrando ar ddioddefwyr, yn eu trin ag urddas a pharch, ac y byddant yn cael eu cefnogi drwy'r broses farnwrol.

Os ydych chi wedi cael eich cam-drin yn rhywiol, ac nad ydych yn barod i roi gwybod amdano i'r heddlu eto, peidiwch â dioddef yn dawel. Gellir dod o hyd i gyfoeth o wybodaeth a manylion am wasanaethau cymorth yma.