Arestio tri unigolyn wrth ymchwilio i lofruddiaeth yn Rhydyfelin

Fore heddiw, dydd Mawrth, 23 Medi, ychydig cyn 00.40am, derbyniodd Heddlu De Cymru adroddiad am aflonyddwch yn Poets Close, Rhydyfelin.

Yn ystod y digwyddiad hwn, cafodd tri dyn yn eu hugeiniau eu hanafu ac aethpwyd â nhw i'r ysbyty. Mae un o'r dynion bellach wedi marw, ac mae'r ddau arall yn dal i fod yn yr ysbyty.

Mae dyn 30 oed o Rhydyfelin wedi cael ei arestio ar amheuaeth o lofruddiaeth a cheisio llofruddio mewn cysylltiad â'r digwyddiad. Mae dyn 22 oed o Tonteg hefyd wedi cael ei arestio ar amheuaeth o lofruddiaeth.

Hefyd, mae menyw 20 oed o Benygraig wedi cael ei harestio ar amheuaeth o glwyfo'n fwriadol Adran 18. Mae'r tri yn parhau yn nalfa'r heddlu wrth i'n hymchwiliad fynd yn ei flaen.

Dywedodd y Ditectif Brif Arolygydd Paul Raikes:

“Hoffwn roi sicrwydd i'r gymuned ein bod yn gweithio'n gyflym i ymchwilio i'r mater hwn. Bydd preswylwyr yn gweld mwy o swyddogion yr heddlu yn yr ardal, ac mae ardal wedi'i hynysu ar Masefield Way, yn benodol rhwng cyffordd Poets Close a Shakespeare Rise.

"Rydym yn annog unrhyw un a all fod wedi gweld y digwyddiad hwn neu sydd ag unrhyw wybodaeth berthnasol i gysylltu â ni drwy'r linc hwn, https://mipp.police.uk/operation/62SWP25C21-PO1, gan ddyfynnu'r cyfeirnod 2500304909. Diolch am eich cydweithrediad a'ch dealltwriaeth yn ystod y cyfnod hwn.”

Fel arall, gallwch gysylltu â ni drwy un o'r ffyrdd canlynol:

• Sgwrs Fyw https://www.south-wales.police.uk/cy-GB/
• Ar-lein https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/
• Ffoniwch 101

Ffoniwch 999 bob amser mewn argyfwng.

Gellir hefyd roi gwybodaeth yn ddienw drwy ffonio Crimestoppers ar 0800 555 111, neu drwy'r ffurflen ar-lein yn: https://crimestoppers-uk.org/give-information