Dyn o Abertawe wedi'i ddedfrydu i 20 mlynedd yn y carchar am droseddau rhyw yn erbyn plant

Mae dyn o Abertawe wedi cael ei garcharu ar ôl pledio'n euog i droseddau rhyw yn erbyn plant.

Cyflawnodd Abdul Kadir, 54 oed o ardal Penlan, droseddau yn erbyn dau ddioddefwr a oedd yn amrywio o gyffwrdd rhywiol i dreiddio dros gyfnod o amser rhwng mis Hydref 2024 a mis Ionawr 2025.

Plediodd Kadir yn euog i bob un o'r saith cyhuddiad yn ei erbyn ar 9 Mehefin. Roedd y troseddau yn cynnwys tri achos o dreisio a phedwar achos o ymosodiad drwy gyffwrdd.

Heddiw, mae wedi cael ei ddedfrydu i 20 mlynedd yn y carchar.

Dywedodd y Ditectif Gwnstabl Angharad Sanders:

“Mae Abdul Kadir yn unigolyn anfoesol a gyflawnodd rai o'r troseddau rhywiol mwyaf erchyll yn erbyn dau blentyn.

“Nid yw'n bosibl dychmygu lefel yr effaith barhaus y bydd gweithredoedd Kadir yn ei chael ar y plant a'u bywydau wrth symud ymlaen.

“Rydym yn falch na fydd ar y strydoedd mwyach i beri bygythiad i blant am flynyddoedd i ddod.”

Nid ydym byth yn diystyru pa mor anodd yw hi i oroeswyr cam-drin rhywiol siarad yn agored a rhoi gwybod am ddigwyddiadau o'r fath.

Ond rydym yn gobeithio y bydd achosion fel hyn yn rhoi sicrwydd y byddwn yn gwrando ar ddioddefwyr, yn eu trin ag urddas a pharch, ac y byddant yn cael eu cefnogi drwy'r broses farnwrol.

Os ydych chi wedi cael eich cam-drin yn rhywiol, ac nad ydych yn barod i roi gwybod amdano i'r heddlu eto, peidiwch â dioddef yn dawel. Gellir dod o hyd i gyfoeth o wybodaeth a manylion am wasanaethau cymorth yma.