Carcharu Matthew Battenbough am lofruddio Leanne Williams

Mae dyn o Abertawe wedi'i garcharu am lofruddio Leanne Williams, 47 oed.

Ar 18 Awst, gwnaeth Matthew Battenbough, 34 oed, heb gartref sefydlog, bledio'n euog i lofruddio Leanne ym mis Chwefror eleni.
Cafodd corff Leanne Williams ei ddarganfod gan swyddogion yn ei chartref ar Gomer Road, Townhill, ddydd Iau 27 Chwefror. Nododd post mortem gan

y Swyddfa Gartref anafiadau sylweddol sy'n nodweddiadol o ymosodiad.

Mae Battenbough wedi cael ei ddedfrydu i garchar am oes, a bydd yn treulio o leiaf 20 mlynedd a 114 diwrnod yn y carchar.

Dywedodd y Ditectif Arolygydd David Butt:

“Roedd y newyddion am farwolaeth Leanne yn dorcalonnus i'w theulu a chymunedau ehangach Townhill ac Abertawe.

"Cymerodd gweithredoedd Matthew Battenbough fywyd Leanne, chwalodd fywydau ei theulu ac achosi trallod sylweddol i'w deulu ei hun.

"Rydym yn gobeithio y bydd y ddedfryd hon yn rhoi ychydig o gysur i deulu a ffrindiau Leanne.

"Hoffwn ddiolch i gymuned Townhill am helpu a chefnogi gyda'r ymchwiliad yn ystod y cyfnod trist ac anodd iawn hwn."

Mae teulu Leanne wedi cyhoeddi'r datganiad canlynol.

"Roedd Leanne yn hyfryd, yn gryf ac yn garedig. Roedd hi'n caru natur ac anifeiliaid ac roedd ganddi gysylltiad arbennig â cheffylau.

"Roedd hi'n awyddus i helpu eraill trwy eu galluogi i dreulio amser â cheffylau a merlod sydd wedi'u hyfforddi'n arbennig ac sy'n sensitif i iechyd meddwl a phroblemau eraill.

"Byddwn yn gweld ei heisiau yn fawr.

"Hoffwn ddiolch i Heddlu De Cymru am eu cymorth parhaus ac am ddiwydrwydd dyladwy’r tîm ymchwilio.”