Adolygiad fforensig o lofruddiaeth Sandra Phillips

Mae Heddlu De Cymru yn cynnal adolygiad fforensig o lofruddiaeth Sandra Phillips yn Abertawe yn 1985.

Cafodd Sandra Phillips ei lladd pan oedd yn gweithio mewn siop rhyw ar Dillwyn Street yng nghanol y ddinas ar 14 Mehefin. Daethpwyd o hyd i'w chorff am 1.45pm.

Cynhaliwyd ymchwiliad helaeth arall i'r llofruddiaeth yn 2004 ond ymchwiliwyd i'r holl linellau ymholi heb allu datrys yr achos.

Nawr, ychydig dros 40 o flynyddoedd ers ei marwolaeth, mae adolygiad fforensig newydd yn cael ei gynnal ac mae nifer o arddangosion wedi cael eu cyflwyno ar gyfer profion fforensig.

Dywedodd y Ditectif Brif Arolygydd Claire Lamerton, pennaeth uned adolygiadau Heddlu De Cymru:

“Mae Heddlu De Cymru wedi cael cryn lwyddiant yn datrys hen achosion, a ni oedd un o'r heddluoedd cyntaf yn y wlad i sefydlu tîm adolygiadau yn 1999 i gynnal adolygiadau o hen achosion heb eu datrys.

“Rydym yn gobeithio y bydd canlyniad yr adolygiad fforensig hwn yn rhoi'r cyfle i ni sicrhau cyfiawnder i deulu Sandra, sydd wedi cael gwybod am y gwaith newydd hwn.

“Er bod pedwar degawd wedi mynd heibio, rwy'n apelio ar unrhyw un sydd ag unrhyw wybodaeth am farwolaeth Sandra i gysylltu â ni.”

Gall unrhyw un sydd â gwybodaeth gysylltu â Heddlu De Cymru gan ddyfynnu cyfeirnod 2300205091.

Ffôn 101 neu 01656 869228

E-bost [email protected]

Sgwrs Fyw: https://www.south-wales.police.uk/cy-GB/

Cysylltwch â ni drwy: https://bit.ly/SWPProvideInfo

Ffoniwch 999 bob amser mewn argyfwng.